Piper berdeak arkume hankaz beteak
- Errezeta
- Bidali iruzkina
- Antzeko errezetak
Osagaiak
- Saltsan egindako txerri hanka hezurgabetuen errezeta 1
- 12 piper berdi handi eta luze, ahalik eta leunenak (zimur gabeak)
- Oliba olioa frijitzeko
- 4 tipulin eder xehatuak
- Baratxuri ale bat
- Gatza
*Lau pertsonentzat
Errezeta
Piperrak garbitu eta lehortu, dauden bezala, zurtoinak eta haziak kendu gabe. Jarri olioa suelto zartagin batean eta su bizitara hurbildu. Berotzen denean, piperrak kontuz paratu zartaginean, frijitzen utzi, oliotik atera eta azala aise kentzeko punturaino. Ez dute ilundu behar; kontuz, beraz. Epeltzen direnean, eskuartean erabiltzeko moduan direnean alegia, zurtoina eta azala kendu, azalari zimikoak eginez, eta baba moduan altxatuko baita, tira handik mamia agerian geldi dadin. Kontuz ireki eta haziak kendu. Bitartean betegarria prestatu.
Kazola batean frijitzerakoan erabilitako olio pixka bat jarri eta suberatu bertan tipulinak eta baratxuri xehatua, gatz pixka batekin. Su eztian egiten utzi 30 minutuz, eta pixka bat gorritzen hasten utzi. Bitartean, arkume-hankei saltsa kendu, eta izpitu. Saltsa geroko utzi. Barazkia egin denean koipea kendu, kazolan jarri berriro eta arkume-hanka izpituak gehitu. Bat egin dadila, eraginez, eta perrexil xehatu pixka bat gehitu. Gatz puntua probatu, eta zuzendu, behar izanez gero. Hor dugu piperren betegarria.
Orduan, piperrak bete, kontuz, hautsi edo leherrarazi gabe. Horrelaxe uztea daukagu eta beroturik mikrouhinen labean edo ohikoan arkume-hanken saltsarekin salteatu edo arrautza-irinetan pasatu eta oliba olio bero-beroan frijitu, eta ongi frijitu. Eta gero, betiere, arkume-hanken saltsa beroan sartu.
Lehen aukera arin eta eramangarriagoa da, apika platerean zerbitzatzeko egokiagoa. Eta bigarrena, berriz, kaxuela tankerakoagoa da; gainera, piperrak albardatuz gero, sendoago geldituko dira, eta betegarriak ez die nolanahi ihes egingo. Batera nahiz bestera, mahaira.
Arkume arandoiak salteatuta
Arkume arandoiak salteatuta Osagaiak Kg bat arkume arandoi, garbi eta azalik gabe Oliba olioa Gurina, mutur bat 3 baratxuri ale, pikatuak Perrexil xehatua Ozpina Gatza Errezeta Gatza eman eta ur ugari jarriko dugu irakiten. Bor-bor …
Pikillo piperrak txekor muturrez beteak
Pikillo piperrak txekor muturrez beteak – Osagaiak Saltsan egindako txekor muturren errezeta bat Pikillo piperrak, 2 pote Baratxuri-buru bat Oliba olioa 4 tipulin eder, xehatuak Gatza Pikillo piperra k txekor muturrez beteak Errezeta Poteak ireki …
Arkume aztala saltsan
Osagaiak 8 arkume aztal, garbiak eta hezurrarekin 30 baratxuri, zuritu gabe Porru bat, pikatua Tipulin bat, pikatua Litro erdia ardo beltz Oliba olioa Ura Gatza Errezeta Gatza eman eta, kazola batean oliba olio xorta bat …
Pikillo piperrak txangurruz beteak
Pikillo piperrak txangurruz beteak – Osagaiak Txangurrua Donostiako eran, hiru kilo laurden 15 koilarakada bexamel, ongi egina Pikillo piperrak, 2 pote Baratxuri-buru bat Oliba olioa Irina eta arrautza irabiatua Gatza Pikillo piperrak txangurruz beteak Errezeta …
Arkume saiheskiak xirmendutan erreak
Osagaiak 2 edo 3 kg arkume (umerri edo bildots) saiheski Gatza Xirmenduak edo aihenak Errezeta Errezeta hau ezinbestez egin behar da mendian edo lorategian, sekulakoa eragin baikenezake etxean honelako sua egiten hasiko bagina. Beharrezkoak dira …