Piper berde eta urdaiazpiko ogitartekoa
- Errezeta
- Bidali iruzkina
Piper berde eta urdaiazpiko ogitartekoa –
Osagaiak
- Opil bat, bitan irekia
- Piper berde eder bat, txortenik eta hazirik gabe, zerrenda luzetan moztua
- 4 xerra mehe urdaiazpiko serrano
- Gatza eta oliba olioa
Piper berde eta urdaiazpiko ogitartekoa
Errezeta
Padera su bizian jarri eta hartan frijituko ditugu piper xerrak. Olioa kea jarioan hasi orduko erantsiko ditugu piper zerrendak, eta minutu batean edukiko ditugu ondoren, su bizian, kolorea galtzen utzi gabe. Xukatu eta gatza pixka bat emango diegu.
Olioa erretiratu eta koiperik gabe utziko dugu padera, su bizian betiere. Buelta eta buelta pasatuko ditugu urdaiazpiko xerrak paderatik, koipea urtzeko beta emanez, baina txigortu gabe, gazi geldi ez daitezen.
Piper zerrendak eta urdaiazpiko xerrak ogi tartean sartu eta barrura!
Ogitartekoa prestatu aurretik, tomatez igurtzi ahal izango dugu opilaren barrualdea eta mamia oliba olioz garaztatu. Oso goxo geratuko zaigu.
Piper berde eta urdaiazpiko ogitartekoa
Piper berdeak frijitzeko era
Piper berdeak frijitzeko era – Beharrezkoak Olioa Piper berdeak Errezeta Deus ez dago higuingarriagorik piper berdeak olio hotzean frijitzen jartzea eta paderatik beraxko, zurbil eta koipetsu ateratzea baino. Horrelakorik gerta ez dadin, oso bero …
Odolkia piperrekin
Odolkia piperrekin – Osagaiak 2 tipula-odolki, freskoak Oliba olioa 2 baratxuri ale, xerratan moztuak 2 pote pikillo piper on Perrexil xehatua Gatza Errezeta Potetatik atera eta xukatu egingo ditugu piperrak. Padera batean olio pixarra isuri …
Pita ogia nola berotu ogitartekoak egiteko
Osagaiak Ogi arabiarra Errezeta Ogi arabiarra legamiarik eta mamirik gabeko opil mota bat da, gaur egun zailtasunik gabe aurkitzen duguna supermerkatu handietan, erosi, berotu eta segituan jateko. Aurrez egosiak egoten dira, eta hutsean ontziratuak edo …
Piper berde beteak entsaladan
Piper berde beteak entsaladan – Osagaiak 12 piper berde luze, ahalik eta leunenak (zimur gabeak) Oliba olioa frijitzeko 2 piper berde, luzetara moztuak 4 tipulin eder, zerrendatan moztuak Baratxuri ale bat Oliotan edo ozpinetan kontserbatutako …
Lekak urdaiazpikoarekin
Lekak urdaiazpikoarekin – Osagaiak Lekak, kilo bat 3 patata eder, bakoitza zortzi zati egina Oliba olioa, 6 zopa-koilarakada 2 urdaiazpiko xerra lodi, dadotan zatituak 4 baratxuri ale, xerratan Ura eta gatza Errezeta Lekak garbitu eta …
