Perretxiko risottoa
- Errezeta
- Bidali iruzkina
Perretxiko risottoa –
Osagaiak
- 500 g arroz (ale biribileko arroza)
- Perretxiko freskoak
- 4 koilarakada oliba olio
- 4 azafrai-izpi
- 2 tipula ertain, txikituak
- Baso bete ardo zuri
- Haragi salda edo ura, 1,3 litro
- Gatza
Perretxiko risottoa
Errezeta
Perretxikoak garbitu. Lur hondar guztiak kendu eta zurtoinei azala kendu. Gero arroza egiteko erabiliko dugun uretan edo salda beroan sartuko ditugu azalak. Ura erabili behar badugu, kalitateko salda kontzentratuaren pastilla bat gehituko dugu. Zurtoinak eta txapelak puskatuko ditugu, dena hur baten tamainako puskatan.
Kazola zabal batean olioa, tipulak eta gatz pixka bat jarriko ditugu. Frijitu dadila su motelean 15 bat minutuan, baina tipulari gorritzen utzi gabe. Xamurra gelditu dadila tipula. Orduan perretxikoak gehituko ditugu, gazitu eta frijitu daitezela 20 bat minutuz su motelean, askatzen duten zuku gehiena lurruntzen utziz. Ondoren azafraia eta arroza erantsi eta dena nahasi. Eta gero, ardoa gehitu ondoren, irakin dezala su motelean gehiena lurrundu arte. Gero salda gehituko dugu, poliki-poliki, iragazkitik pasaraziz, onddo azalak iragazkian geldi daitezen. Egos dadila dena su ezti-eztian. 15 minutu kontatu. Pixkanaka-pixkanaka gehituko dugu salda, lurrundu arte eta arroz aleak xamur gelditu arte
Azkenean, indarrez nahasi eta krematsu zerbitzatu nahi badugu, oliba olio birjina gehitu, esnegain erdi harrotua eta gurin hotz pixka bat. Perrexil xehatu pixka batek ere mesede ederra egiten dio arroz honi.
Perretxiko risottoa
Arroza abakandoarekin
Arroza abakandoarekin Osagaiak 2 abakando, 700 bat gramokoa bakoitza Ura eta gatza 5 koilarakada oliba olio Tipula ertain bat, txiki-txiki eginda 2 baratxuri ale, txiki-txiki eginda 6 koilarakada tomate saltsa 600 g arroz (ale biribileko …
Arroz zuria baratxuri eta perrexilarekin
Osagaiak 6 koilarakada handi oliba olio birjina 4 baratxuri ale, pikatuak 500 g arroz, ale biribilekoa 1,3 l salda edo ur 2 koilarakada handi perrexil xehatu Errezeta Kazola batean olioa ipini eta su eztian jarriko …
Arroza barazkiekin
Arroza barazkiekin Osagaiak 3 koilarakada handi oliba olio birjina Porru bat, pikatua Azenario bat, xerratan moztua Tipula bat, pikatua Xorta bat leka, haririk gabe eta zatituak 2 eskukada txanpinoi, zatituak 4 orburu garbi, laurdenkatuak Alberjinia …
Arroza entsaladan
Arroza entsaladan – Osagaiak Arroz zuria, kilo erdia 2 baratxuri ale, osorik Oliba olio birjina, 3 koilarakada 2 litro ur 3 tomate, ongi helduak Piper berde bat, txikitua Tipulin bat, txikitua Gatza Arroza entsaladan Errezeta …
Arrozesne usaingozatua
Arrozesne usaingozatua – Osagaiak 3 l esne 150 g arroz, pikor biribilekoa 125 g gurin 300 g azukre Limoi azal bat Kanela adaxka bat Cognac xorta bat Anis xorta bat Patxaran xorta bat Arrozesne usaingozatua …
