Patata arranditsuak
- Errezeta
- Bidali iruzkina
- Antzeko errezetak
Osagaiak
- Kilo bat patata, zurituak eta zentimetro bat lodiko xerratan moztuak
- 2 tipulin txiki
- 2 baratxuri ale
- Azafrai naturala, 4 izpi
- Perrexil hostoak, eskutada bat
- Baso bete ur
- Ardo zuria, baxoerdi bat
- Arrautza irabiatua eta irina, arrautza-irinetan pasatzeko
- Oliba olioa, frijitzeko
Errezeta
Patatei gatza eman eta arrautza-irinetan pasatu ondoren oliotan frijitu (ez ibili mixerian olioarekin), su ez oso bizian. Ez dute oso txigorturik gelditu behar. Xukatu eta xuka-paper gainean jarri erretilu batean, sobran duten koipea kentzeko.
Kazola handi batean, patatak gero elkarren gainka ez egoteko moduko batean, ertz ez oso altu batekoan ahal dela, jarri patatak arrautza-irinetan erabilitako olio pixka bat, eta tipulinak su ez oso bizian frijitu. Bitartean, baratxuri-perrexilak zanpatu ahi bihurtu arte edo bestela txiki-txiki egin, eta tipulak eginda daudenean haiei erantsi. Eragin pixka bat eta ura gehitu. Irakiten utzi eta une horretan sartu uretan gordeta geneuzkan patatak, azafraia, gatza eta ardoa. Su eztian egosten utzi, harik eta patatak oso xamur gelditu arte. Behar izanez gero, egosterakoan beste ur pixka bat gehitu, patatak beren saltsan egos daitezen. Ez dute ur-putzu batean egon behar, azkenean saltsa ez oso ugari batean blai diren patata gisa gelditu behar baitute, eta patataren fekulak eta arrautza-irinetan pasatzeak lodiarazitako saltsan alegia.
Eltzekaria nola egin
Osagaiak Porru bat 2 azenario Arbi bat Tipula bat, iltze usaintsu bat ziztaturik duela Baratxuri-buru bat 10 koilarakada oliba olio 2 hanka hezur eta 2 belaun hezur 200 g txerri saiheski 200 g txerri urdai …
Patata eta sardinzahar entsalada
Osagaiak Patata zurituak uretan egosiak, hiru kilo laurden Eskarola bat, garbitua eta sortatan 4 sardinzahar ketuak edo oliotan marinatuak, dadotan zatituak 2 arrautza egosi, zurituak eta xehatuak Dijongo ziapea edo garau ziapea, zopa-koilarakada bat Sagardo-ozpina, …
Patatak uretan ongi egosteko era
Osagaiak Zorrotada on bat oliba olio Zorrotada on bat ardo zuri Porru bat Tipulin erdia Hiruzpalau piperbeltz ale Apioa adaxka bat Gatz larria Errezeta Era hoberena da beren azalarekin egostea. Garbitu egingo ditugu lehenik, itsatsirik …
Azalore egosia patata eta baratxuriarekin
Azalore egosia patata eta baratxuriarekin – Osagaiak Azalore eder bat 4 patata ertain, zurituak 4 baratxuri ale, xerratan moztuak 8 koilarakada oliba olio Gatza Azalore egosia patata eta baratxuriarekin Errezeta Eltze batean, ur ugari jarriko …
Patatak nola frijitu
Patatak nola frijitu – Osagaiak Olioa Baratxuri ale bat Errezeta Hona hemen zer egin, patatak frijitu eta kurruskari uzteko. zuritu eta xerratan edo zerrendatan (nahi bezala) moztu ondoren, uretan garbituko ditugu almidoia kentzeko; halatan, frijitzen …