Pasta oilaskoarekin
- Errezeta
- Bidali iruzkina
Osagaiak
- 4 oilasko izter, hezurgabetuak eta dado txikitan moztuak
- 2 baratxuri ale, txiki-txiki eginda
- 6 koilarakada oliba olio
- Perrexil xehatua
- 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)
- Gatza
Errezeta
Zartaginean 2 koilarakada olio jarri eta berotu dadila. Berotu eta gero, oilasko puska gazituak sartuko ditugu. Gorritu daitezela, baina sobera lehortu gabe. Oilasko puskak aterako ditugu. Gero gainerako olioa eta baratxuriak jarri zartaginean, gorritzeko. Su motelean frijitu daitezela, olioak haien zaporea bereganatu dezan. 5 bat minutu iraganik, pasta egosi berria eta xukatua gehitu, eta salteatu dadila pixka batean. Gero oilasko salteatu berria ere bai. Perrexila par-par bota gainetik eta zerbitzatu. Nahi izanez gero, tomate saltsa pixka bat edo esnegain likidoa nahas diezaiokegu pastari, edo oilaskoa ardo zuri edo brandy pixka batekin salteatu, baina hori gustu kontua da. Bakoitzak erabaki dezala.
Oilo kaneloiak
Osagaiak Oilo mardul bat, garbi Azenario bat, xerratan Porru bat, xerratan Baratxuri-buru bat Tipula bat, zatitua Litro erdia ardo beltz Ura Pastilla bat haragi-salda 5 tipulin eder, pikatuak Eskukada bat barrengorri, pikatuak Oliba olioa 16 …
Oilasko gibelen patea
Oilasko gibelen patea – Osagaiak 24 oilasko gibel 2 tipulin, pikatuak Baratxuri ale bat, pikatua 2 arrautza Oliba olio pixar bat Brandy xorta bat 200 g patata pure Gatza eta piperbeltza Oilasko gibelen patea Errezeta …
Pasta ganbekin
Pasta ganbekin – Osagaiak 32 ganba fresko, azala kenduta, bitan zatituak, luzetara 2 baratxuri ale, txikituak 6 koilarakada oliba olio Perrexil xehatua 600 g pasta, egosi berria, nahi dena (saltsa daramaten plater mota honetarako espagetiak …
Oilasko papar irin-arrautzeztatuak piperrekin
Osagaiak 8 oilasko papar xerra Esne pixar bat Perrexil xehatua 4 baratxuri ale, zanpatuak Oliba olioa Irina eta arrautza joa Gatza Gernikako piperrak, frijituak *Lau pertsonentzat Errezeta Gatza eman eta erretilu baten ipiniko ditugu paparrak, …
Pasta entsalada karrakela eta perrexil-pestoarekin
Pasta entsalada karrakela eta perrexil-pestoarekin – Osagaiak Kg pasta, egosia eta hoztua (makarroi edo “galet” moldekoa) Kg bat karrakela edo magurio, egosiak eta oskoletik orratz batez atereak 3 tomate umo Tipulin bat, pikatua Perrexil pikatua …
