Pasta barazkiekin
- Errezeta
- Bidali iruzkina
Pasta barazkiekin –
Osagaiak
- Tipulin bat, txiki-txiki egina
- Piper berde bat, txiki-txiki egina
- Piper gorri bat, txiki-txiki egina
- Porru bat, txiki-txiki egina
- Lekak, zerrenda laburretan moztuak eta hariak kenduta. Eskutada bat
- Dozena bat orburu bihotz, garbiak, lau puskatan moztuak.
- 6 baratxuri ale, zerrendatan
- 6 koilarakada oliba olio
- Perrexil xehatua
- 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)
Pasta barazkiekin
Errezeta
Zartagin batean 3 koilarakada olio jarri eta orburu bihotzak sartu, gatz pixka batekin, pixkana-pixkana salteatu daitezen. Gorritu daitezela gutxika-gutxika, orburuak xamurtuz joateko. Gutxienez 15 minutu beharko dira, su motelean.
Orburuak atera, zartaginean beste 2 koilarakada olio gehiago jarri eta lekak gehitu. 10 minutuan salteatuko ditugu su ez oso bizian, gatz pixar batekin. Berde-berde gelditu daitezela. Orburuekin batera aterako ditugu.
Orduan gainerako olioa gehitu, baita tipulina, baratxuriak, piperrak eta porrua ere, gatz pixka batekin. Salteatu daitezela su bizi samarrean, gorritu daitezela, baina bigundu gabe. Hobe gogorxko egotea. Horretarako hobea da, beraz, txiki-txiki eginda egotea dena eta di-da batean salteatzea.
Orduan gorderik ditugun barazkiak gehitu, orburuak eta lekak, eta gatz pixar bat eman.
Bukatzeko, pasta egosi berria eta xukatua gehituko dugu. Pasta salteatu eta ongi nahas dadila gainerakoarekin. Par-par bota perrexila gainetik eta zerbitzatu.
Pasta barazkiekin
Piper berde beteak entsaladan
Piper berde beteak entsaladan – Osagaiak 12 piper berde luze, ahalik eta leunenak (zimur gabeak) Oliba olioa frijitzeko 2 piper berde, luzetara moztuak 4 tipulin eder, zerrendatan moztuak Baratxuri ale bat Oliotan edo ozpinetan kontserbatutako …
Pasta haragi eta limoi azalarekin
Osagaiak Tipulin bat, txiki-txiki egina 3 baratxuri ale, txikituak 3 koilarakada oliba olio Haragi pikatua, 450 g (txerrikia, behikia edo txahalkia, gizena ere baduena xamurragoa izan dadin) Esnegain likidoa, litro laurdena Limoi baten birrindura Perrexil …
Bakailaoa tomate eta piperrekin
Osagaiak 4 bakailao solomo beratu, 200 g bakoitzak 4 pipermorro gorri, erreak, zurituak eta zerrendatan moztuak 4 baratxuri ale Tipulin bat, pikatua 6 tomate umo, pikatuak Xorta bat ardo zuri 12 koilarakada oliba olio Ximiko …
Makarroi gainerreak
Osagaiak Kg erdia makarroi lodi 50 cl esne 100 cl esnegain urtu 200 g Gruyère, birrindua Gatza eta piperbeltz eho berria *Lau pertsonentzat Errezeta Ur ugaritan egosiko ditugu makarroiak bezperan, gatza eman ondoren. 5 bat …
Pasta haragi xehatu eta esnegainarekin
Osagaiak Tipulin bat, txikitua 3 baratxuri ale, txiki-txiki eginak 3 koilarakada oliba olio Haragi pikatua, 450 g (txerrikia, behikia edo txahalkia, gizena ere baduena xamurragoa izan dadin) Esnegain likidoa, litro laurdena Perrexil xehatua 600 g …
