Opil suitzar torradak
- Errezeta
- Bidali iruzkina
Osagaiak
- 8 opil suitzar edo esne-opil
- Esnea, litro erdia
- Esnegain likidoa, litro laurdena
- 10 koilarakada azukre
- Kanela ezpaltxo bat
- Limoi azala, zati bat
- Irin xorta bat
- Arrautzak, joak
- Oliba edo eguzki-lore olioa, frijitzeko
- Azukre beltza
- Kanela-hautsa
Errezeta
Kazola baten ipiniko ditugu esnea, esnegaina eta azukrea. Limoi azala eta kanela ezpaltxoa erantsi, eta irakiten jarriko dugu guztia, su eztian, lehen borborrak hasi arte. Une horretan atera egingo dugu sutatik. Hozten utziko dugu ondoren.
Bitartean, prestatuko ditugu opilak esnetan bustitzeko. Labaina batez bitan zatituko ditugu opilak, luzeran, hala moztuz gero esnetan sartzean askoz ere hobeto xurgatuko baitute likidoa eta hobeto puztuko baitira. Erretilu zabal batean ipiniko ditugu opilak ondoren. Iragazki baten bidez isuriko ditugu esnea eta esnegaina opil suitzarren gainean, eta utzi egingo ditugu esnetan bustitzen, 10 minutuan gutxienez, poliki-poliki buelta emanez. Erne ibili behar dugu oso erraz hausten dira eta.
Ogia esnetan ongi busti ondoan, kontu handiz pasako ditugu irin-arrautzatan, hautsi gabe. Padera batean olio ugarian frijituko ditugu ondoren, ezti-ezti frijitu ere, ongi txigortu arte. Paper xurgatzailean xukatuko ditugu gero. Jan aurretik azukre beltz pixka bat hautseztatuko dugu gainetik, eta usaintsuak gustatzen bazaizkigu, berriz, kanela hauts pixar bat ere. Hobe da epel jatea torradak. Inauteri garaian jaten dira bereziki.
Atun ogitartekoa
Atun ogitartekoa – Osagaiak Opil bat, bitan irekia Lata txiki bat hegaluze oliotan, ongi xukatua eta zatitan bereizia Piper gorriak edo berdeak, erreak, zurituak, zerrendatan moztuak eta oliotan, baratxuri ale gordin batekin, edukiak Errezeta Oliba …
Txokolate eta oliba olio ogitartekoa
Txokolate eta oliba olio ogitartekoa – Osagaiak Opil bat, bitan irekia Tableta erdia txokolate beltz (%70 kakao, gutxienez) Oliba olio birjina Ximiko bat itsasoko gatz larri edo kalitatezko gatz leiartu (Guèrande, Malddon, eta abar) Errezeta …
Pita ogia nola berotu ogitartekoak egiteko
Osagaiak Ogi arabiarra Errezeta Ogi arabiarra legamiarik eta mamirik gabeko opil mota bat da, gaur egun zailtasunik gabe aurkitzen duguna supermerkatu handietan, erosi, berotu eta segituan jateko. Aurrez egosiak egoten dira, eta hutsean ontziratuak edo …
Ahuakate, indioilar eta fruitu lehor sandwich-a
Ahuakate, indioilar eta fruitu lehor sandwich-a – Osagaiak Ahuakate bat Indioilar 2 bularki Limoi bat Laranja bat Soja saltsa Fruitu lehor 2 eskukada (nahasketa; urrak, intxaurrak, almendrak,…) Ezpelete piper hautsa Oliba olioa Gatza Molde erako ogia …
Piper berde eta urdaiazpiko ogitartekoa
Piper berde eta urdaiazpiko ogitartekoa – Osagaiak Opil bat, bitan irekia Piper berde eder bat, txortenik eta hazirik gabe, zerrenda luzetan moztua 4 xerra mehe urdaiazpiko serrano Gatza eta oliba olioa Piper berde eta urdaiazpiko …
