Onddo gordinak entsaladan parmigiano gaztarekin
- Errezeta
- Bidali iruzkina
Osagaiak
- Kg bat onddo, gordinik
- 12 koilarakada oliba olio birjina
- 2 koilarakada sagardo-ozpin
- Parmigiano gazta, puska eder bat
- Gatza eta piperbeltz eho berria
*Lau pertsonentzat
Errezeta
Patatak zuritzeko labana berezi batez lortuko ditugu gazta puskatik xafla finak ateratzea. Gorde egingo ditugu geroko.
Adierazi bezala garbituko ditugu perretxikoak. Zurtoinak eta txapelak bereizi eta gero, zurtoinak pikatuko ditugu. Padera batean 2 koilarakada oliba olio isuri eta su bizian jarriko dugu. Zurtoin pikatuak erantsi, gatza pixka bat eman eta su bizian gozatuko ditugu kolore pittin bat hartu eta barrutik gordin xamar gera daitezen. Minutu baten ondoan, su gainean oraindik ere, isuriko dugu ozpina. Lurrintzen utziko dugu, zaporea baino ez dadin geldi. Sutatik kenduko dugu bizkor padera. Salteaturiko perretxiko horiek gelditu zaizkigun 10 koilarakada oliba olio dagoen katiluan irauliko ditugu. Horra ozpin-olioa.
Txapel garbiak cm erdiko lodierako xaflatan moztuko ditugu labana fin batez. Erretilu zabal batean hedatuko ditugu ondoren zati guztiak. Kalitatezko gatz lodi batez hornituko ditugu ondoren eta aurrez maneaturiko ozpin-olioaz igurtziko ditugu xaflak. Hau guztia gazta xafla finez estali eta zerbitzatzeko prest dago entsalada.
Onddo tortilla
Onddo tortilla – Osagaiak Onddo salteatuak, 600 g Oliba olio pixka bat 8 arrautza Gatza Perrexil xehatua *Lau pertsonentzat Errezeta Onddoak kazola zabal baten edo zartagin batean jarriko ditugu berotzen, kontu handiz hondoan ez itsasteko. …
Onddo zopa
Onddo zopa – Osagaiak 350 g onddo, garbia eta pikatua Poru bat, pikatua Tipulin txiki bat, pikatua Baratxuri ale bat, pikatua Gurina, zati handi bat 12 koilarakada esnegain urtu 2 litro salda edo ur (haragi-salda …
Onddo saltsa
Onddo saltsa – Osagaiak 2 tipulin eder, pikatuak 300 onddo edo perretxiko, onddoenen antzeko zurtoinekin 3 dl haragi salda edo zopako saldaz hornituriko ur 6 koilarakada esnegain urtu 4 koilarakada gurin 5 koilarakada oliba olio …
Onddoak kreman
Onddoak kreman – Osagaiak Ondo freskoak, kilo bat Koilarakada bat gurin Limoi laurden baten zukua Tipulin txiki bat, txiki-txiki eginda Esnegain likidoa, litro laurdena Perrexil xehatua Gatza … Errezeta Hasteko kazola baxu batean onddo garbi-garbiak, …
Onddoak labean
Onddoak labean Osagaiak Onddo ertainak, tenteak, garbiak, kilo bat Tipulin bat, txiki-txiki eginda 2 baratxuri ale, txiki-txiki eginak 5 koilarakada oliba olio Perrexil xehatua Gatza Errezeta Alde batetik zurtoinak garbituko ditugu, eta bestetik txapelak. Txapelak …
