Muskuiluak eskabetxean
- Errezeta
- Bidali iruzkina
Muskuiluak eskabetxean –
Osagaiak
- 2 kg muskuilu, garbi eta bizarrik gabe
- 20 koilarakada ardo zuri
- 2 tipulin eder, zerrendatan moztuak
- 8 baratxuri xister, osorik
- Erramua, hosto fresko bat
- 10 koilarakada oliba olio
- Piperbeltza, ale batzuk
- Koilarakada bat piperrauts gozo
- Koilarakada erdia piperrauts min
- Litro laurdena oliba olio birjina
- Litro laurdena sagardo-ozpin
- 5 koilarakada ardo zuri
- Gatza
Muskuiluak eskabetxean
Errezeta
Kazola handi bat sutan jarri, koilarakada batzuk oliba olio isuri eta tipulinak, erramua, piperbeltza eta baratxuriak jarriko ditugu su eztian frijitzen, 10 bat minutuan. Muskuiluak kazolaratuko ditugu orduan, ardo zuriarekin batean. Laster irekiko dira muskuiluak. Kazolatik atera eta epeltzen utziko ditugu kanpoan.
Kazola zukua murrizten utziko dugu une batzuetan, barazkiekin batera, eta piperrautsa erantsiko dugu gero. Nahasi eta, oliba olioa isuri ostena, sagardo-ozpinaren eta ardo zuriaren txanda izango da hurren. Irakin eta beste 8 bat minutuan utziko dugu dena egosten, ozpinak indarra gal dezan. Sua itzali eta epeltzen utziko dugu ondoren eskabetxea. Une horretan kazolaratuko ditugu muskuiluak, lehor ez daitezen (hutsik geratutako oskola kenduko diegu aurrez muskuiluei). Hozten utziko dugu guztia.
Hoberena dugu dena prestatu eta jakiari gutxienez 12 orduz epeltzen utzi ostean ohore egitea. Muskuiluak behar bezala bustiko dira ordurako zuku horretan. Patata egosi batzuk izan daitezke lagungarri ona: eskabetxearen barazki eta zukuarekin onduko ditugu, gatz pixka batekin.
Muskuiluak eskabetxean
Pasta muskuiluekin
Pasta muskuiluekin Osagaiak Tipulin txiki bat, xehe-xehe egina Baratxuri ale bat, txikitua Oliba olio pixka bat Ardo zuri pixka bat Baso erdi bat ur Ximiko bat piperrauts gozo 2 koilarakada handi tomate saltsa Muskuilu txikiak, …
Muskuiluak saltsa berdean
Muskuiluak saltsa berdean – Osagaiak 2 Kg muskuilu 6 baratxuri ale, xaflatan Litro laurdena ur bero 5 koilarakada oliba olio birjina Perrexil pikatua Koilarakada apal bat irin Zorrotada bat ardo zuri Muskuiluak saltsa berdean Errezeta …
Muskuiluak lurrunean irekita patata frijituekin
Muskuiluak lurrunean irekita patata frijituekin – Osagaiak 2 Kg muskuilu Litro laurdena ardo zuri Kaienako pipermina, mutur bat Perrexil xehatua Patata frijituak, kraskatsuak Errezeta Ur zurrusta hotzaren azpian garbituko ditugu muskuiluak, tentu eta kontu handiz. …
Muskuilu zopa
Muskuilu zopa – Osagaiak 2 kg muskuilu Kg erdia arrain mutur, hegalak edo matrailak 2 tipulin, pikatuak Porru bat, pikatua Azenario bat, pikatua 2 baratxuri ale, pikatuak Oliba olioa Baso bete ardo zuri 3 l …
Muskuiluak lurrunean irekita
Muskuiluak lurrunean irekita – Osagaiak 2 Kg muskuilu Litro laurdena ardo zuri Kaienako pipermina, mutur bat Perrexil xehatua … Errezeta Ur zurrusta hotzaren azpian garbituko ditugu muskuiluak, tentu eta kontu handiz. Baztertu egingo ditugu hondaturik …
