Mihiarraina plantxan
- Errezeta
- Bidali iruzkina
Osagaiak
- 4 mihiarrain, ezkatarik eta alboko hezurrik gabe
- 6 koilarakada oliba olio
- 4 baratxuri ale, xerratan
- 3 koilarakada sagardo-ozpin
- Perrexila, xehatua
- Gatza
*Lau pertsonentzat
Errezeta
Gatza bi aldeetatik eman eta padera batean jarriko ditugu mihiarrainak su bizian, oliba olio pixar batekin. 4 bat minutuan edukiko ditugu su bizi horretan. Erretiratu egingo ditugu, lehor ez daitezen. Behar izanez gero, labean edukiko ditugu minutu batzuetan, 160º-tan, solomoak erdiko hezurretik erraz bereizten direla ikusi arte.
Padera garbitu, olioa isuri eta hartan gorrituko ditugu baratxuri xerrak. Sagardo-ozpina isuriko dugu ondoren, erne zipriztinekin!, eta segundo batzuetan irakitan eduki ondoren gaineratuko dugu perrexil xehatua. Baratxuri-olioa gainean garaztatu eta mahairako prest edukiko ditugu mihiarrainak.