Merlenka hegalak saltsa berdean patatekin
- Errezeta
- Bidali iruzkina
Osagaiak
- Kg bat merlenka hegal fresko, garbi eta azalik eta mintz beltzik gabe
- 10 koilarakada oliba olio
- Baso erdi bat ardo zuri
- Arrain salda edo ura
- 2 baratxuri xister, pikatuak
- Perrexil xehatua
- Kg laurden patata txiki, egosiak eta xafla lodi xamarretan moztuak.
- Gatza
Errezeta
Gatza eman eta kazola apal eta zabal batean ipiniko ditugu merlenka hegalak, azala gora. Gainean isuriko dugu oliba olioa, eta baratxuri pikatua erantsi. Su ezti-eztian jarriko dugu kazola, mantso bero dadin. Hara eta hona eragingo diogu ondoren. 4 bat minutuan iraungo dugu lan honetan.
Gelatina isurtzen hasi orduko (olioa nahasten hasia izango da), erantsiko dugu ardo zuria. Eragin eta eragin segituko dugu guk betiere, su ezti-eztian. Hegalak irauli eta xorta bat arrain salda edo ur erantsiko dugu. Hegalen izaera eta freskuraren arabera lodituko zaigu saltsa. Koipetsu behar du saltsak baina fina aldi berean, loditasun puntua ageri behar du, baina zeharo trinkotu gabe. Bukaeran, patata-xerrak erantsi eta astindu on xamar bat emango diogu kazolari. Perrexil pikatua gainetik hautseztatu eta zerbitzatuko ditugu merlenka hegalak.
Jakia maneatzen hasi aurretik, irinetan pasa ahal izango ditugu, nahi izanez gero, arrain puskak. Errazago lodituko da saltsa. Norberak hauta dezala gogokoen duen modua.
Merlenka plantxan baratxuri-olioarekin
Merlenka plantxan baratxuri-olioarekin – Osagaiak 4 merlenka solomo, hezurrik gabe 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza … Errezeta Gatza bi aldeetatik eman eta …
Merlenka saltsa berdean
Osagaiak 4 merlenka solomo, hezurrik gabe, 200 g bakoitzak 2 baratxuri xister, pikatuak 5 koilarakada oliba olio Ximiko bat irin Perrexil xehatua Litro laurdena arrain salda edo ur Gatza Errezeta Olioa isuri eta su eztian …
Merlenka kokotxa irin-arrautzeztatua
Osagaiak Kg bat merlenka kokotx fresko 3 baratxuri ale, osorik eta zuritu gabe Gatza Irina eta arrautza joa Oliba olioa, frijitzeko Errezeta Garbitu, bizarrak moztu eta hezurrak kenduko dizkiegu kokotxei. Irin-arrautzatan pasatu baino minutu batzuk …
Merlenka saltsa berdean txirlekin
Osagaiak 4 merlenka solomo, hezurrik gabe, 200 g bakoitzak 2 baratxuri xister, pikatuak 5 koilarakada oliba olio Ximiko bat irin Perrexil xehatua 32 txirla handi Litro laurdena arrain salda edo ur Gatza Errezeta Olioa isuri …
Merlenka egosia barazki eta oliba olio birjinarekin
Merlenka egosia barazki eta oliba olio birjinarekin – Osagaiak 4 merlenka tronkotx edo domina eder, azalarekin, ezkatarik eta alboko hezurrik gabe. 2 tipulin, zurituak 4 porro txiki garbi 4 patata ertain 4 azenario, zurituak 2 …
