Merlenka egosia barazki eta oliba olio birjinarekin
- Errezeta
- Bidali iruzkina
Merlenka egosia barazki eta oliba olio birjinarekin –
Osagaiak
- 4 merlenka tronkotx edo domina eder, azalarekin, ezkatarik eta alboko hezurrik gabe.
- 2 tipulin, zurituak
- 4 porro txiki garbi
- 4 patata ertain
- 4 azenario, zurituak
- 2 eskukada leka, harrik gabe eta luzeran bitan moztuak
- Erramu freskoa, hosto bat
- Iltze usaintsu bat
- Baso erdia ardo zuri
- Limoi azal txiki bat
- Perrexila, hosto txiki batzuk
- 8 koilarakada oliba olio birjina
- Limoi baten zukua
- Ura eta gatz larria
Merlenka egosia barazki eta oliba olio birjinarekin
Errezeta
Kazola zabal batean ur ugari isuri eta hartan jarriko ditugu gatz larria, tipulina, porrua, patatak, azenarioak, lekak, erramua, iltzea, ardo zuria, limoi azala eta perrexila. Su bizian jarri eta bor-bor irakitan hasi ondoren, 15 minutuan edukiko ditugu barazki guztiak egosten, salda bat egin beharko bagenu bezala. Barazki guztiak egingo dira epe honetan, eta baten bat oraindik ez bada behar bezala xamurtu, beste minutu gutxi batzuetan utziko dugu egosten, eginda daudenak erretiratu eta gero. Ura eta gai lurrintsuak baizik ez dugu kazolan utziko. Salda eskasten hasten bada, ur gehiago erants dezagun.
Sua guztiz apaldu eta legatza kazolaratuko dugu ondoren. Ongi estal dezala saldak. Urak ez du borborka hasi behar, arraina hauts ez dadin, eta horrela edukiko dugu legatza 15 bat minutuan, berotasun handian baina irakin gabe. Arrainaren egoste-puntuaz arduratuko gara, lehor ez dakigun.
Xukatu eta, hezurrak kendu eta gatz larria eman ondoren, limoiz zukuaz eta oliba-olio birjinaz eginiko limoi-olioaz garaztatuko ditugu merlenka tronkotxak.
Begi-bistakoa denez, ezer bota aurretik, edan egingo dugu legatza egosi den salda, gosaritarako bada ere (primerakoa da!), edo izozturik gordeko dugu, arrain zopa egiten dugunean erabiltzeko.
Merlenka egosia barazki eta oliba olio birjinarekin
Merlenka hegalak saltsa berdean patatekin
Osagaiak Kg bat merlenka hegal fresko, garbi eta azalik eta mintz beltzik gabe 10 koilarakada oliba olio Baso erdi bat ardo zuri Arrain salda edo ura 2 baratxuri xister, pikatuak Perrexil xehatua Kg laurden patata …
Merlenka pastela
Osagaiak Kg bat merlenka hezurrarekin, erdiko trunkoa esate baterako, garbi eta ezkatarik gabe 2 tipulin, pikatuak Porru baten zuria, pikatua 2 baratxuri ale Oliba olioa Xorta bat brandy Litro laurdena esnegain urtu 8 arrautza, joak …
Merlenka plantxan baratxuri-olioarekin
Merlenka plantxan baratxuri-olioarekin – Osagaiak 4 merlenka solomo, hezurrik gabe 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza … Errezeta Gatza bi aldeetatik eman eta …
Merlenka itsas txangurruz betea
Osagaiak Merlenka isats bat, 1,2 kg-koa. Arrain-saltzaileak kenduko dio hezurra, bitan ireki ondoren edo, trebea bada, hezurra isatsa ireki gabe aterata (barrutik zuloa eginda) 400 g txangurru, Donostiako eran maneatua Ura, xorta bat 6 koilarakada …
Merlenka arraba egosiak ozpin-oliotan
Osagaiak 800 g merlenka arraba egosi 15 koilarakada oliba olio birjina 5 koilarakada sagardo-ozpin Piper gorri bat, pikatua Piper berde bat, pikatua 2 baratxuri ale, pikatuak Ximiko bat worcestershire saltsa Perrexil xehatua Gatza eta piperbeltz …
