Merlenka egosia barazki eta oliba olio birjinarekin
- Errezeta
- Bidali iruzkina
Merlenka egosia barazki eta oliba olio birjinarekin –
Osagaiak
- 4 merlenka tronkotx edo domina eder, azalarekin, ezkatarik eta alboko hezurrik gabe.
- 2 tipulin, zurituak
- 4 porro txiki garbi
- 4 patata ertain
- 4 azenario, zurituak
- 2 eskukada leka, harrik gabe eta luzeran bitan moztuak
- Erramu freskoa, hosto bat
- Iltze usaintsu bat
- Baso erdia ardo zuri
- Limoi azal txiki bat
- Perrexila, hosto txiki batzuk
- 8 koilarakada oliba olio birjina
- Limoi baten zukua
- Ura eta gatz larria
Merlenka egosia barazki eta oliba olio birjinarekin
Errezeta
Kazola zabal batean ur ugari isuri eta hartan jarriko ditugu gatz larria, tipulina, porrua, patatak, azenarioak, lekak, erramua, iltzea, ardo zuria, limoi azala eta perrexila. Su bizian jarri eta bor-bor irakitan hasi ondoren, 15 minutuan edukiko ditugu barazki guztiak egosten, salda bat egin beharko bagenu bezala. Barazki guztiak egingo dira epe honetan, eta baten bat oraindik ez bada behar bezala xamurtu, beste minutu gutxi batzuetan utziko dugu egosten, eginda daudenak erretiratu eta gero. Ura eta gai lurrintsuak baizik ez dugu kazolan utziko. Salda eskasten hasten bada, ur gehiago erants dezagun.
Sua guztiz apaldu eta legatza kazolaratuko dugu ondoren. Ongi estal dezala saldak. Urak ez du borborka hasi behar, arraina hauts ez dadin, eta horrela edukiko dugu legatza 15 bat minutuan, berotasun handian baina irakin gabe. Arrainaren egoste-puntuaz arduratuko gara, lehor ez dakigun.
Xukatu eta, hezurrak kendu eta gatz larria eman ondoren, limoiz zukuaz eta oliba-olio birjinaz eginiko limoi-olioaz garaztatuko ditugu merlenka tronkotxak.
Begi-bistakoa denez, ezer bota aurretik, edan egingo dugu legatza egosi den salda, gosaritarako bada ere (primerakoa da!), edo izozturik gordeko dugu, arrain zopa egiten dugunean erabiltzeko.
Merlenka egosia barazki eta oliba olio birjinarekin
Merlenka solomoak eskabetxean mikrouhinetan maneatuak
Osagaiak 3 tipulin eder, zerrendatan moztuak Xorta bat oliba olio Erramu hosto bat Ezkaia, bi adaxka Iltze usaintsu bat 8 baratxuri ale, zurituak eta xerratuak 15 koilarakada oliba olio birjina 5 koilarakada ardo zuri 10 …
Merlenka kokotxa irin-arrautzeztatua
Osagaiak Kg bat merlenka kokotx fresko 3 baratxuri ale, osorik eta zuritu gabe Gatza Irina eta arrautza joa Oliba olioa, frijitzeko Errezeta Garbitu, bizarrak moztu eta hezurrak kenduko dizkiegu kokotxei. Irin-arrautzatan pasatu baino minutu batzuk …
Merlenka saltsa berdean txirlekin
Osagaiak 4 merlenka solomo, hezurrik gabe, 200 g bakoitzak 2 baratxuri xister, pikatuak 5 koilarakada oliba olio Ximiko bat irin Perrexil xehatua 32 txirla handi Litro laurdena arrain salda edo ur Gatza Errezeta Olioa isuri …
Merlenka itsas txangurruz betea
Osagaiak Merlenka isats bat, 1,2 kg-koa. Arrain-saltzaileak kenduko dio hezurra, bitan ireki ondoren edo, trebea bada, hezurra isatsa ireki gabe aterata (barrutik zuloa eginda) 400 g txangurru, Donostiako eran maneatua Ura, xorta bat 6 koilarakada …
Merlenka plantxan baratxuri-olioarekin
Merlenka plantxan baratxuri-olioarekin – Osagaiak 4 merlenka solomo, hezurrik gabe 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza … Errezeta Gatza bi aldeetatik eman eta …
