Kuiatxoak haragiz beteta
- Errezeta
- Bidali iruzkina
- Antzeko errezetak
Osagaiak
- Haragi gordin pikatua (txahalkia, behikia eta txerrikia), 750 g
- 4 kuiatxo handi
- 4 koilarakada oliba olio
- 4 koilarakada handi tomate saltsa
- Gatza
*Lau pertsonentzat
Errezeta
Kuiatxoak garbitu eta lehortuko ditugu. Luzetara moztu bitan, eta koilaratxo baten laguntzaz hustu egingo ditugu, kontu handiz, haragi pixka bat utziz azalari erantsita, zentimetro bat gutxi gorabehera. Atera dugun kuiatxo mamia xehatuko dugu gero.
Zartagin handi batean, koilarakada bat oliotan, 8 kuiatxo erdiak gazitu eta bi aldeetan gorrituko ditugu pixka bat. Labeko erretilu batean utziko ditugu. Kuiatxoak salteatu ditugun zartagin berean, gainerako olioa jarri eta, su bizi-bizian, frijituko dugu kuiatxo mamia, 10 bat minutuz, ongi egiten den arte. Orduan, une horretan, haragia erantsi, gazituta, eta ongi nahasi. Segitu dezala denak su bizian. Egin dadila su bizian ordu erdiz, haragiak askatzen duen urina lurrundu arte, haragia ongi egin arte. Hori dena koilararekin eragiteari utzi gabe egingo dugu, haragi xehatua suelto gelditu dadin, ez ore bat egina. Tomate saltsa gehitu gero. Gatzik behar ote duen begiratu. Hori izango da kuiatxoen betegarria.
Kuiatxo hustu eta salteatuak beteko ditugu orain. Betegarriak muinoa egin dezala. Labean edo mikrouhinen labean berotu minutu batzuez, behar duten tenperatura iritsi dutela ikusten dugun arte.
Elikagaietan aberatsagoak izan daitezen nahi badugu, labera sartu aurretik bexamel egin berriaz eta gazta arraspatuaz estali, edo gazta arraspatu hutsaz, axaletik erreak eta gorrituak izateko. Horrela, gustagarriagoak izango dira haurrentzat.
Pasta haragi eta limoi azalarekin
Osagaiak Tipulin bat, txiki-txiki egina 3 baratxuri ale, txikituak 3 koilarakada oliba olio Haragi pikatua, 450 g (txerrikia, behikia edo txahalkia, gizena ere baduena xamurragoa izan dadin) Esnegain likidoa, litro laurdena Limoi baten birrindura Perrexil …
Haragi salda
Haragi salda Osagaiak Atzealdeko zankarra, puska koxkorretan moztua. 500 g Oilo laurden bat Tipula bat 2 azenario Porru bat Eskutada bat txitxirio 3 litro ur Oliba olio pixka bat Errezeta Kazola zabal batean, oliba oliotan …
Haragi zati handi bat nola erre
Haragi zati handi bat nola erre – Osagaiak Oliba olioa Errezeta / Teknikak Haragi zati handi bat erretzeko garrantzitsua da beldurrik ez izatea, adorez jokatzea. Gizenak eta erretze prozesua oztopa dezaketen ehunak kentzeko eskatuko diogu …
Patata barrubeteak
Osagaiak Kg bat patata ertain Tipulin bat, pikatua Piper berde bat, pikatua Alberjinia bat Ximiko bat tomate saltsa Kg erdia haragi xehatu (txahal, behia eta txerria, gizenarekin, mamitsuagoa izan dadin) Oliba olioa Irina, arrautza joa …
Ahate magret errea sagarrekin
Ahate magret errea sagarrekin Osagaiak 4 ahate magret edo papar, freskoak 4 baratxuri ale 4 sagar zuritu, atal loditan moztuak, zuztarrik gabe Xorta bat limoi zuku Kanela, ezpal bat Mutur eder bat gurin Zimiko bat …