Gazta enpanadatxoak nola egin
- Errezeta
- Bidali iruzkina
Gazta enpanadatxoak nola egin –
Osagaiak
- Enpanadatxoak egiteko 20 ore-disko
- Gazta beratz krematsua (15 koilarakada), baina loditasun pixka bat duena (betegarria sobera likidoa ez izateko), Filadelfia edo San Millan esaterako)
- 2 koilarakada azukre
- Irasagar-gozoki puska bat, xehe-xehe egina
- Menta fresko xehatua, pixar bat
- Arrautza, joa
Gazta enpanadatxoak nola egin
Errezeta
Katilu batean gazta, azukrea, irasagarra eta menta fresko xehatua bildu. Loditasun pixka bat duen orea sortu behar dugu; ez dadila inondik ere mehea izan. Hozkailuan edukiko dugu denbora puska batean, hoztu eta pausatu dadin.
Enpanadatxoak egiteko ore-diskoak mahai gainean luzatu eta barrenean koilarakada eder bat betegarri paratuko dugu. Ertza arrautza irabiatuarekin margotu eta gero enpanadatxoak itxi, ilargi erdiak balira bezala, sardexka baten hortzekin zapalduz eta itxiz. Ongi estalita, pausatzen utziko ditugu enpanadatxoak hozkailuan. Bi gauza egin ditzakegu. Koipe gutxixeago izan dezaten, arrautzaz margotu denak eta labean sartu 15 minutuz, 200 graduan, ongi gorritu arte, edo bestela ohiko metodoa baliatu: oliba olio asko jarri zartaginean, eta bero-bero dagoenean frijitu. Ez ahaztu ongi xukatzea.
Zerbitzatzerakoan, azukrea eta kanela-hautsa par-par bota gainetik. Ezin politago geldituko dira. Krema ingelesarekin ere jar litezke, jakina.
Gazta enpanadatxoak nola egin
Barazki ogitartekoa
Barazki ogitartekoa – Osagaiak Ogitarteko hau ogi freskoaz edo moldeko ogiaz egin daiteke, gustuen arabera. Opil bat, bitan irekia Saltsa maionesa edo saltsa arrosa Arrautza egosi bat, zuritua eta xerratan Xerra batzuk tomate fresko, garbi …
Gazta tarta piku marmeladarekin
Gazta tarta piku marmeladarekin – Osagaiak Hondoa prestatzeko: 2 arrautza 100 g gurin guri, pomadan 100 g azukre 100 g pastel-irin ahul Ximiko bat legamia hauts Betegarria prestatzeko: 3 terrina gazta fresko, San Millan edo …
Gazta nola gorde
Gazta nola gorde – Osagaiak Ontzi tapadun bat Errezeta / Teknika Ongi itxia gorde behar da beti gazta, ontzi tapadun batean, zapore arrarorik har ez dezan. Hozkailuko alde epelenean gordeko dugu, beheko aldean. Hutsean …
Gazta krema fruitu gorriekin
Gazta krema fruitu gorriekin – Osagaiak Mascarpone gaztaren krema. Litro bat, hotz-hotza Fruta gorri garbi eta xukatuak. 4 eskutada Azukre-hautsa Errezeta Gazta-krema hotz-hotza kristalezko lau kopa altutan paratuko dugu. Krema aldez aurretik egina izan …
Txerri-solomo eta gazta ogitartekoa
Txerri-solomo eta gazta ogitartekoa – Osagaiak Opil bat, bitan irekia 4 gazta xerra, desegingarria 4 xerra mehe txerri solomo adobatu Baratxuri ale bat, xerratan Gatza eta oliba olioa Errezeta Jakiak itsasten ez diren padera batean …
