Foie-gras salteatua tipula, ozpin eta eztiarekin
- Errezeta
- Bidali iruzkina
Osagaiak
- 4 tipula, zerrendetan moztuak
- Oliba olioa
- 4 koilarakada Modenako ozpin edo antzeko ozpin gozoren bat
- Koilarakada bat ezti
- 8 xerra lodi foie-gras edo gibel fresko, 100 bat g bakoitzak
- Gatza eta piperbeltza, eho berria
Errezeta
Kazola batean, olio pixar bat eta tipulak jarriko ditugu, zerrendatan moztuak. Su eztian maneatuko dugu tipula lehenik, kazola estalita, arian-arian xamur geldi daitezen. 30 bat minutuan edukiko ditugu horrela. Sua bizitu egingo dugu gero; tapa eraiki eta tipulek halako kolorea har dezaten utziko dugu: lurrindu egingo da hondoan pilatuko den zuku guztia. Ozpina erantsiko dugu, tipula ilundu eta berezko zapore horretaz horni dadin. Karamelatzen utzi eta xukatu egingo dugu gero, eduki lezakeen koipe guztia kentzeko. Bukaeran berean erantsiko dugu eztia. Nahasi egingo dugu guztia.
Gatza eta piperbeltza eman ondoan, padera bero batean ipiniko ditugu lau zati foie-gras, su bizian. Alde guztietatik gorritu direnean, biraka erabili eta eztitu egingo dugu sua. Padera alde batetik goratu eta bere koipean bustiko dugu gibela. Bizpahiru minutu emango ditugu honetan. Paderatik atera eta paper xurgagarrian ipiniko ditugu gibel puskak. Beste hainbeste egingo dugu gainerako lauekin. Tipula beroaren gainean zerbitzatuko dugu horrela maneaturiko gibela.
Txahal gibela kaparrekin
Txahal gibela kaparrekin – Osagaiak Kilo bat txahal gibel, xerratan moztua, erdi tamainako xerrak 2 tipula, zerrenda mehetan zatituak 4 baratxuri ale 2 eskukada kapar, ozpinetan Oliba olioa 2 limoiren zukua Gatza Txahal gibela kaparrekin …
Foie-gras salteatua azenorio, ezti eta kanelarekin
Osagaiak 6 azenario handi, zurituak eta arraspatuak Oliba olioa Mutur bat gurin Laranja azal puska bat, birrindua Zimiko bat kanela, ehoa Koilarakada bat ezti 8 xerra lodi foie-gras edo gibel fresko, 100 bat g bakoitzak …
Txahal gibela tomatearekin
Osagaiak Kilo bat txahal gibel, xerratan moztua, erdi tamainako xerrak 2 tipula, zerrenda mehetan zatituak 4 baratxuri ale Oliba olioa Xorta bat ardo zuri Litro erdia tomate saltsa Gatza Errezeta Kazola zabal batean ipiniko ditugu …
Oilasko gibelen patea
Oilasko gibelen patea – Osagaiak 24 oilasko gibel 2 tipulin, pikatuak Baratxuri ale bat, pikatua 2 arrautza Oliba olio pixar bat Brandy xorta bat 200 g patata pure Gatza eta piperbeltza Oilasko gibelen patea Errezeta …
Foie-gras salteatua sagarrekin
Osagaiak Mutur bat gurin 6 sagar, zurituak eta ataletan moztuak (limoi zukuaz garaztatuko ditugu belztu ez daitezen) Pixar bat azukre beltz Xorta bat moskatel Xorta bat sagar-likore 8 xerra lodi ahate foie-gras edo gibel fresko, …
