Brokoli egosia patata eta baratxuriarekin
- Errezeta
- Bidali iruzkina
Osagaiak
- Brokoli eder bat edo bi ertain
- 4 patata ertain, zurituak
- 4 baratxuri ale, xerratan moztuak
- 8 koilarakada oliba olio
- Gatza
Errezeta
Eltze batean, ur ugari jarriko dugu irakiten, gatz pixka batekin. Hosto berdeak kendu eta zuztarra moztuko diogu ondoren brokoliari. Mulkoak bananduko ditugu ondoren. Garrantzitsua da mulkoak sorrarazten dituen zuztarra edo zurtoina ez botatzea, brokoliaren gainerako aldeekin egosi ahal izango baitugu zuritu eta hirutan edo lautan zatitu ostean. Alde goxoena da hori.
Ur hotzean ongi garbitu, xukatu eta, ura irakiten hasi orduko, sartuko ditugu brokolia eta patatak eltzean. 10-15 minutuan edukiko ditugu sutan, tapatu gabe. Kolore bizia galduko du brokoliak, tapatzen badugu. Labanaren punta zati lodienean ziztatuz jakingo dugu brokolia eta patata xamur dauden ala ez.
Padera txiki batean, olio berotan jarriko ditugu baratxuriak, “dantzan” hasi arte. Olio erre hori brokoli eta patata egosi eta xukatu berrien gainean isuri eta, gatz pixarra eman ondoan, mahairako prest edukiko dugu guztia.
Patatak non eta nola gorde
Patatak non eta nola gorde – Osagaiak Xoko ilun eta lehorra Zapi bat edo egunkari papera … Non eta nola gorde Txikikeria iruditzen ahal zaio bakarren bati, baina bistarako zorigaitza da patatak lorez eta sustraiz …
Patata gainerreak kremarekin
Patata gainerreak kremarekin – Osagaiak 1’5 kg patata Perrexil sorta bat Apio adaxka bat Limoi azal bat, liztariz lotuak Litro bat esne Esnegaina, litro laurdena Gazta arraspatua, 150 g Baratxuri ale bat, erdibitua Gatza eta …
Brokoli purea
Osagaiak 600 g brokoli 280 g gurin, hotza, dadotan moztua Gatza Errezeta Ur asko jarri irakiten, gatzarekin. Brokoliari hosto berdeak kendu eta zurtoina moztu. Adaxkak askatu eta uretan garbituko ditugu. Pixka bat xukatu, erabat lehortu …
Patata eta sardinzahar entsalada
Osagaiak Patata zurituak uretan egosiak, hiru kilo laurden Eskarola bat, garbitua eta sortatan 4 sardinzahar ketuak edo oliotan marinatuak, dadotan zatituak 2 arrautza egosi, zurituak eta xehatuak Dijongo ziapea edo garau ziapea, zopa-koilarakada bat Sagardo-ozpina, …
Patata barrubeteak
Osagaiak Kg bat patata ertain Tipulin bat, pikatua Piper berde bat, pikatua Alberjinia bat Ximiko bat tomate saltsa Kg erdia haragi xehatu (txahal, behia eta txerria, gizenarekin, mamitsuagoa izan dadin) Oliba olioa Irina, arrautza joa …
