Azalore eta brokoli egosia bakailao eta olio errearekin
- Errezeta
- Bidali iruzkina
Azalore eta brokoli egosia bakailao eta olio errearekin –
Osagaiak
- Azalore eder bat
- Brokoli pare bat
- 4 baratxuri ale, xerratan moztuak
- 8 koilarakada oliba olio
- Ximiko bat piperrauts gozo
- Eskukada handi bat bakailao geza, beratua eta zati ertainetan moztua
- Ximiko bat irin
- Oliba edo eguzki-lore olioa, frijitzeko
- Gatza
Azalore eta brokoli egosia bakailao eta olio errearekin
Errezeta
Eltze batean, ur ugari jarriko dugu irakiten, gatz pixka batekin. Azalorea eta brokolia garbituko ditugu ondoren. Zuztarra moztu eta mulkoak bananduko ditugu. Garrantzitsua da mulkoak sorrarazten dituen zuztarra edo zurtoina ez botatzea, azalorearen gainerako aldeekin egosi ahal izango baitugu zuritu eta hirutan edo lautan zatitu ostean. Alde goxoena da hori. Ur hotzean ongi garbitu, xukatu eta, ura irakiten hasi orduko, sartuko ditugu azalore eta brokolia eltzean. 10/15 minutuan edukiko ditugu sutan, tapatu gabe. Kolore horia hartuko du azaloreak, tapatzen badugu. Labanaren punta zati lodienean ziztatuz jakingo dugu xamur dagoen ala ez.
Bakailao puskak irinetan axaletik pasa eta gero, olio oso beroan frijituko ditugu, ongi gorritu arte. Xukatu egingo ditugu ondoren.
Padera txiki batean, olio berotan jarriko ditugu baratxuriak. Sutatik atera eta piperrautsa erantsiko dugu. Biraka eragingo diogu etengabe zurezko zaliari, piperrautsa olioarekin ongi nahas dadin. Baratxuri saltsa hau brokoli egosi eta xukatu berriaren eta bakailao zatien gainean isuri eta, gatz pixarra eman ondoan, mahairako prest edukiko dugu guztia.
…
Kasu!
Azenario eta ilar batzuk, dena batera egosita eere lagungarri bikaina dira.
Azalore eta brokoli egosia bakailao eta olio errearekin
Bakailao eta mahaspasa enpanada
Osagaiak Kg bat irin Ura, litro erdia inguru 800 g gurin 4 tipulin handi, zerrendatan moztuak dl erdia oliba olio Ximiko bat piperrauts gozo 2 baratxuri-ale, pikatuak 2 koilarakada bete perrexil xehatu Gatza 750 g …
Brokoli egosia bakailao eta baratxuri saltsarekin
Brokoli egosia bakailao eta baratxuri saltsarekin – Osagaiak Brokoli eder bat edo bi ertain 4 baratxuri ale, xerratan moztuak 8 koilarakada oliba olio Ximiko bat piperrauts gozo Eskukada handi bat bakailao geza, beratua eta zati …
Bakailaoa pil-pilean
Osagaiak 4 puska bakailao beratu eta lehor, 250 g bakoitzak Oliba olioa, gradu batekoa (1º), puskak ongi estaltzeko moduan 8 baratxuri ale, osorik Kaienako pipermina, mutur bat Errezeta Bakailao puskak ongi sartuko diren kazola batean …
Baratxuri zopa bizkorra bakailaoarekin, mikrouhinetan
Baratxuri zopa bizkorra bakailaoarekin, mikrouhinetan – Osagaiak 8 baratxuri xister, xerratan Pipermin lehorra, pixar bat Zorrotada bat oliba olio Ogi txigortua edo zopako ogia, puska eder bat (60 bat g) 4 koilarakada bete tomate saltsa …
Zurrukutuna (baratxuri zopa bakailaoarekin)
Zurrukutuna (baratxuri zopa bakailaoarekin) Osagaiak 200 bakailao gazi, papurtua Zopako ogia, zati handi bat 15 koilarakada oliba olio Baratxuri-buru bateko aleak, banaturik Bi koilarakada piper-mami, kontserbakoa Tomate saltsa, 4 koilarakada handi Ur beroa, litro erdia …
