Arroza onddoekin
- Errezeta
- Bidali iruzkina
Arroza onddoekin –
Osagaiak
- 500 g arroz (ale biribileko arroza)
- Onddo freskoak, hiru kilo laurden
- 4 koilarakada oliba olio
- 4 azafrai-izpi
- 2 tipula ertain, txikituak
- Baso bete ardo zuri
- Haragi salda edo ura, 1,3 litro
- Gatza
Arroza onddoekin
Errezeta
Onddoak garbitu. Lur hondar guztiak kendu eta zurtoinei azala kendu. Gero arroza egiteko erabiliko dugun uretan edo salda beroan sartuko ditugu azalak. Ura erabili behar badugu, kalitateko salda kontzentratuaren pastilla bat gehituko dugu. Zurtoinak eta txapelak puskatuko ditugu, dena hur baten tamainako puskatan.
Kazola zabal batean olioa, tipulak eta gatz pixka bat jarriko ditugu. Frijitu dadila su motelean 15 bat minutuan, baina tipulari gorritzen utzi gabe. Xamurra gelditu dadila tipula. Orduan onddoak gehituko ditugu, gazitu eta frijitu daitezela 20 bat minutuz su motelean, askatzen duten zuku gehiena lurruntzen utziz. Ondoren azafraia eta arroza erantsi eta dena nahasi. Eta gero, ardoa gehitu ondoren, irakin dezala su motelean gehiena lurrundu arte. Gero salda gehituko dugu, poliki-poliki, iragazkitik pasaraziz, onddo azalak iragazkian geldi daitezen. Egos dadila dena su ezti-eztian. 16 minutu kontatu. Pixkanaka-pixkanaka gehituko dugu salda, lurrundu arte eta arroz aleak xamur gelditu arte
Azkenean, indarrez nahasi eta krematsu zerbitzatu nahi badugu, oliba olio birjina gehitu, esnegain erdi harrotua eta gurin hotz pixka bat. Perrexil xehatu pixka batek ere mesede ederra egiten dio arroz honi.
Arroza onddoekin
Arroza txirlekin
Arroza txirlekin Gure mahaietan ezin da falta plater hau: fina bezain gustagarria da, batez ere arroza eta txirlen puntuarekin asmatzen bada. Esan beharrik ez dago txirlak zenbat eta fresko eta salbaiagoak, hobeto aterako zaizula, baina …
Arroz paella
Arroz paella – Osagaiak 5 koilarakada oliba olio Baratxuri-buru bat 3 piper txorizero edo 5 piper lehor oso, zuztarrik gabe 4 piper berde Kg erdia txerri haragi, gizenik gabe eta puskatan Oilasko izter bat, hezurra …
Arroz tortilla
Arroz tortilla – Osagaiak 20 koilarakada arroz zuri baratxuri eta perrexilarekin 8 arrautza, joak Perrexila, xehatua Gatza Errezeta Jo ditugun arrautzetan nahasiko dugu baratxuriz eta perrexilez maneaturiko arroza. Gatz gutxi eman eta perrexil xehatua erantsi. …
Perretxiko risottoa
Perretxiko risottoa – Osagaiak 500 g arroz (ale biribileko arroza) Perretxiko freskoak 4 koilarakada oliba olio 4 azafrai-izpi 2 tipula ertain, txikituak Baso bete ardo zuri Haragi salda edo ura, 1,3 litro Gatza Perretxiko risottoa Errezeta …
Onddoak garbitzeko era
Onddoak garbitzeko era – Beharrezkoak Laban txiki bat Zatar heze bat Errezeta Kaxa edo paketetik atera eta onddoen prezioan harri kopuru ikusgarri bat saldu digutela frogatuko dugu. Hosto, intsektu eta zikinkeriaren bat ageri badute itsatsirik, …
