Arroza oilaskoarekin
- Errezeta
- Bidali iruzkina
Arroza oilaskoarekin –
Osagaiak
4 koilarakada handi oliba olio birjina- Oilasko garbi bat zati txikitan moztua
- Bi baratxuri ale, xehatuak
- Tipulin handi bat, pikatua
- Piper berde handi bat, pikatua
- Xorta bat baratxuri fresko, pikatuak
- 500 g arroz, ale biribilekoa
- 3 koilarakada tomate saltsa
- 1,3 l oilasko-salda edo ur
- 10 izpi azafrai
- Gatza
Arroza oilaskoarekin
Errezeta
Kazola zabal batean isuriko dugu olioa. Kazola su bizian jarri eta oilasko zatiak, aurrez gatza emanak, frijituko ditugu bertan, azaletik ongi txigor daitezen arte. Goritu ahala erretiratuko ditugu puskak plater batera.
Sua eztitu eta baratxuria, tipulina, piper berdea eta baratxuri freskoak erantsiko ditugu ondoren, gatz pixka bat emanez eta zurezko zaliaz iraularaziz, kolorerik har ez dezaten. 10 minuturen buruan erantsiko ditugu oilasko zatiak eta tomate saltsa eta iraulaldi batzuk emango dizkiegu, ongi friji daitezen; Arroza irauli, nahasi eta salda edo ur beroa isuriko dugu ondoren (ura bada, haragi-salda pastilla mutur bat erantsiko diogu), bai eta azafrai izpiak ere. Gatz pittin bat eman eta su eztian egosiko dugu guztia, tapaturik, 16/18 minutuan. Denbora-tarte hori igaro eta gero, sua itzali, kazola minutu batzuetan pausatzen utzi eta berehala zerbitzatuko dugu.
Arroza oilaskoarekin
Oilasko hegalak labean Javiren eran
Osagaiak Kg bat oilasko hegal, muturrak moztuak 3 patata ertain, zurituak eta xerratan moztuak 2 tipulin ertain, pikatuak Gatza, piperbeltza eta muskat intxaurra Xorta bat ardo zuri Oliba olioa *Lau pertsonentzat Errezeta Labe-erretilu batean oliba …
Arroza onddoekin
Arroza onddoekin – Osagaiak 500 g arroz (ale biribileko arroza) Onddo freskoak, hiru kilo laurden 4 koilarakada oliba olio 4 azafrai-izpi 2 tipula ertain, txikituak Baso bete ardo zuri Haragi salda edo ura, 1,3 litro …
Arrozesne usaingozatua
Arrozesne usaingozatua – Osagaiak 3 l esne 150 g arroz, pikor biribilekoa 125 g gurin 300 g azukre Limoi azal bat Kanela adaxka bat Cognac xorta bat Anis xorta bat Patxaran xorta bat Arrozesne usaingozatua …
Pasta soja-saltsa eta oilaskoarekin
Osagaiak 2 oilasko papar, zerrendatan moztuak Tipula bat, pikatua Piper berde bat, pikatua 2 porru, pikatuak Eskukada bat barrengorri, xerratan moztuak Oliba olioa 300 g pasta txinatar Zorrotada on bat soja saltsa Errezeta Padera batean, …
Oilasko errea limoiarekin
Osagaiak 2 oilasko eder, erretzeko prestatuak, garbiak Limoi bat, bitan zatitua Limoi erdi baten zukua 2 baratxuri-buru Gatza eta piperbeltza, eho berria 2 baso ur Errezeta Labeko erretilu handi batean jarriko ditugu barreiaturik baratxuri aleak, …
