Arkumea txilindron eran
- Errezeta
- Bidali iruzkina
Arkumea txilindron eran –
Osagaiak
- 1,5 kg arkume (umerria edo bildotsa), puska ertainetan zatitua
- 5 piper txorizero, ur epelean bi orduz beratuak
- 3 baratxuri ale, pikatuak
- Tipulin handi bat, pikatua
- 10 koilarakada tomate saltsa
- Xorta bat oliba olio
- Gatza
Arkumea txilindron eran
Errezeta
Gatza eman eta, kazola zabal batean, alde guztietatik gorrituko ditugu arkume puskak, xorta bat oliba olioarekin. Txigortu ondoan, plater batean gordeko ditugu geroko.
Kazola berean, koipe soberakina erretiratu eta gero, erantsiko ditugu tipulina eta baratxuriak: gatz pixka bat eman eta biraka erabiliko ditugu barazkiak su eztian,15 bat minutuan. Arkume puska dagoeneko txigortuak erantsiko ditugu ondoren, jarioan emango zuen zukuarekin batera eta, biraka erabili eta gero, erantsiko ditugu tomate saltsa, piper txorizeroen mamia eta piperrak beratzen egon den salda zorrotada bat. Estali eta gutxienez ordubetean edukiko dugu guztia su ezti-eztian gozatzen. Lehortzen ari dela sumatzen badugu, gehiago erantsiko dugu piper txorizeroak beratu diren saldatik, haragia xamur dagoela ikusi arte. Egin ahala emango dugu gatza.
Arkumea ez da saltsan igeri aurkeztuko, mamitsu behar du eta azaletik baino ez ditu saltsak puskak bustiko. Bukaeran, gatz pixar bat eman hala izango dugu gainetik.
Arkumea txilindron eran
Arkume egosi-frijitua
Arkume egosi-frijitua Osagaiak 1,5 kg esneko arkume (umerri edo bildots), puska txiki xamarretan zatitua 3 baratxuri ale, pikatuak 2 tipulin handi, pikatuak Koilarakada bat perrexil, pikatua Ximiko bat piperrauts min Ale batzuk piperbeltz, xehatuak Xorta …
Arkume saiheskiak xirmendutan erreak
Osagaiak 2 edo 3 kg arkume (umerri edo bildots) saiheski Gatza Xirmenduak edo aihenak Errezeta Errezeta hau ezinbestez egin behar da mendian edo lorategian, sekulakoa eragin baikenezake etxean honelako sua egiten hasiko bagina. Beharrezkoak dira …
Arkume besoa erreta
Osagaiak 4 arkume beso (umerri edo bildots). 800 g ingurukoa bakoitza 2 baratxuri-buru Baso bete ur Zorrotada bat ardo zuri Gatza Errezeta Gatza eman eta gero, erretilu zabal batean ipiniko ditugu arkume besoak, ahoz gora. …
Arkumea baratxuriekin erreta
Osagaiak Arkume bat (umerria edo bildotsa) Gatz larria 2 baso bete ur 2 baratxuri-buru, garbiak eta osorik Errezeta Errezeta hau 8 lagunentzat da. Harakinari horrela eskatuko diogu arkumea: 5 kg ingurukoa, bitan zatitua luzeran eta, …
Arkumea kazolan erreta
Arkumea kazolan erreta Osagaiak Arkume erdia (umerria edo bildotsa), pisu bereko lau puskatan zatitua Limoi erdiaren zukua Koilarakada handi bat oliba olio 3 baratxuri ale Baso bete ardo zuri 2 baso bete ur Gatza … …
