Arkume saiheskiak xirmendutan erreak
- Errezeta
- Bidali iruzkina
Osagaiak
- 2 edo 3 kg arkume (umerri edo bildots) saiheski
- Gatza
- Xirmenduak edo aihenak
Errezeta
Errezeta hau ezinbestez egin behar da mendian edo lorategian, sekulakoa eragin baikenezake etxean honelako sua egiten hasiko bagina. Beharrezkoak dira aihenak edo xirmenduak, hau da, mahatsondoetan inausten diren adar eta adaxkak, su bizi mota hau egiteko gordetzen direnak. Beraz, leku egoki batean aihenak bildu eta su emango diegu; garren ondoan geratuko dira txingar gori biziak eta haien gainean erreko ditugu saiheskiak. Parrilla bikoitzetan ipiniko ditugu saiheskiak, eror ez daitezen, eta txingarren gainean pausatuko ditugu parrillak. Ongi hedatuko ditugu txingarrak, haragia uki ez dezaten.
Bi aldetatik gorrituko ditugu saiheskiak, aihenen eta kearen kutsua ere hartzen duten bitartean. Atera eta ogi puska batean hartuko ditugu zuzenean. Saiheskiaren koipeaz bustiko da ogia. Gatz pixka bat eman eta hatzen artean hartuta jango ditugu saiheskiak.
Arkumea labean erreta
Arkumea labean erreta Ez beldurtu errezeta honek behar duen denborarekin. Gutxi edo asko, mundu guztiak daki arkumea labean erretzen, baina egin kasu errezeta honetako denbora eta tenperaturei eta ez zara damutuko: gurina bailitzan desegingo zaizu …
Piper berdeak arkume hankaz beteak
Osagaiak Saltsan egindako txerri hanka hezurgabetuen errezeta 1 12 piper berde handi eta luze, ahalik eta leunenak (zimur gabeak) Oliba olioa frijitzeko 4 tipulin eder xehatuak Baratxuri ale bat Gatza *Lau pertsonentzat Errezeta Piperrak garbitu …
Arkumea txilindron eran
Arkumea txilindron eran – Osagaiak 1,5 kg arkume (umerria edo bildotsa), puska ertainetan zatitua 5 piper txorizero, ur epelean bi orduz beratuak 3 baratxuri ale, pikatuak Tipulin handi bat, pikatua 10 koilarakada tomate saltsa Xorta …
Arkume egosi-frijitua
Arkume egosi-frijitua Osagaiak 1,5 kg esneko arkume (umerri edo bildots), puska txiki xamarretan zatitua 3 baratxuri ale, pikatuak 2 tipulin handi, pikatuak Koilarakada bat perrexil, pikatua Ximiko bat piperrauts min Ale batzuk piperbeltz, xehatuak Xorta …
Arkumea eztiz gozatua
Arkumea eztiz gozatua Osagaiak 1,5 kg arkume (umeri edo bildots), puska ederretan zatitua Litro eta erdi ardo zuri 2 tipulin, pikatuak 2 piper txorizero, irekiak Tomate bat, pikatua Azenario bat, pikatua Eskukada bat perrexil zurtoin …
