Antxoak kazolan
- Errezeta
- Bidali iruzkina
Antxoak kazolan –
Osagaiak
- Kg bat antxoa fresko
- 3 tipula, zerrenda mehetan zatituak
- 3 piper berde, zerrenda mehetan zatituak
- 8 koilarakada oliba olio birjina
- 2 koilarakada sagardo-ozpin
- Gatza
…
Errezeta
Sutan jarri eta kazolan ipiniko ditugu tipula eta piperra, gatza eta olio pittin batekin. Potxatzen utziko dugu ondoren guztia, su ezti-eztian, barazkiak xamur karamelatzen hasi direla sumatu arte. Ordubete inguru edukiko dugu horrela. Xukatu egingo ditugu barazkiak.
Ongi garbituko ditugu antxoak, burua, tripak eta erdiko hezurra kendurik. Isatsetik loturik utziko ditugu bi xerrak. Arrain saltzaileak egin dezake lan hau. Gatza emango diegu antxoei.
Barazkiak potxatu ditugun kazola berean, haien parte bat ipiniko dugu hondoan eta antxoa geruza bat zabalduko dugu gero haren gainean, kazolaren zabalera guztia hartuz. Horrela jokatuko dugu ondoren, gainekoa barazki-geruza dugula. Ozpina erantsi eta, kazola estalita, 5 minutuan edukiko dugu guztia berotzen, su ezti-eztian.
Sutatik atera eta 2 minutuan edukiko dugu guztia pausatzen, estalita betiere. Berehala zerbitzatuko ditugu antxoak. Perrexil xehatua hautseztatu ahal izango dugu, nahi izanez gero, gainetik.
Antxoak kazolan
Saltsa herdoila
Saltsa herdoila – Osagaiak 2 arrautza gorringo, egosiak eta pikatuak Arrautza gorringo bat, gordinik Litro laurdena oliba olio birjina Koilarakada bat Xerez ozpin Koilarakada bat tomate kontzentratu edo, hura ezean, ohiko tomate saltsa Azafraia, 8 …
Pizza antxoilekin, tomate, mozzarela eta albahaka
Pizza antxoilekin, tomate, mozzarela eta albahaka – Pagotxa RZkeko bideoa … Osagaiak 250g irin 125cl ur 7g legami 7g gatz 25g oliba olio tomate saltsa litro bat 2 mozzarela bola albaka antxoa poto bat …
Antxoa irin-arrautzeztatuak (errebozatuak)
Antxoa irin-arrautzeztatuak (errebozatuak) Antxoak era honetan egiteak, lan apur bat emango dizu, banaka maneiatu behar baitira aleak, baina ez zara batere damutuko: ezagutzen dugun era onentakoa da hau, baldin eta ez bazaio arrautzari gehiegi frijitzen …
Antxoa marinatuak
Antxoa marinatuak Osagaiak Litro erdia ozpin, ardo zuriarena 400 cl ur 100 g gatz 1,5 kg antxoa fresko Oliba olio birjina … Errezeta Nahasi egingo ditugu ozpina, ura eta gatza, marinada prestatzeko. Antxoak garbituko ditugu …
Tapenade saltsa
Tapenade saltsa – Osagaiak Oliba beltz hezurgabetuak, pisatuak, 200 g Baratxuri ale bat, zuritua, barreneko hozia kenduta 3 antxoa xerra, gatzetan Koilarakada bat kapar Oliba olio birjina, estra, 100 g … Errezeta Oliba beltz hezurgabetuak …
