Errezeta

Baratxuri, perrexil eta ogi birrinduarekin batera oratuko dugu haragi xehatua. Gatza emango dugu ondoren. Bolak egingo ditugu gero, irinaz baliatuz: golf pilota baten neurrikoak izango dira. Oliotan frijituko ditugu doi-doi, azaletik egin daitezen. Kazola batean gordeko ditugu frijitu eta gero.

Haragi bolatxoak frijitu diren padera berean (olio asko geratu bazaigu, alde bat erretiratuko dugu, hondoa estaltzen duen doia uzteko), eztituko ditugu tipula zopa zorroko hautsak, erretzen utzi gabe betiere. Ondoren, bizpahiru edontzi ur isuri eta egosten utziko dugu bost bat minutuan. Gatza emango dugu, beharrezkoa bada. Saltsa haragi bolak dauden kazolan isuri eta beste 15 bat minutuan edukiko ditugu ondoren egosten, haragi ongi egin dadin. (lehor xamar daudela sumatzen badugu, ur gehixeago erants dezakegu). Patata batzuk dadotan frijitu eta haragi bolekin nahasiko ditugu zerbitzatu aurretik.

Maneatzeko unean mamitsuago egon dadin, ogi mami esnetan bustia eta ondoren xukatua edo, hobe, zerri-hanka pare bat, egosiak, hezurrik gabeak eta ongi pikatuak erants diezaiokegu haragi bolen nahasturari. Bolak haragi gordinarekin egin eta berdin-berdin maneatuko dugu gainerakoa. Bestalde, oliotan tipula pikatu bat erantsi eta potxatzen utzi ahal izango dugu: hartan isuriko dugu zopa zorroaren edukia. Emaitza ona da, baina lan gehixeago eskatzen du.

Almandrongilak tipula saltsan