Ahate errota konfitatuak tipula eta patatekin salteatuak
- Errezeta
- Bidali iruzkina
Ahate errota konfitatuak tipula eta patatekin salteatuak –
Osagaiak
- Kg bat ahate errota, koipean konfitatuak (kontserban)
- 2 tipula, zerrenda mehetan zatituak
- 5 patata eder, zurituak eta xerra loditan moztuak
- Gatza
- Perrexil xehatua
Errezeta
Ongi xukatuko ditugu lehenik beren koipean konfitaturiko errotak. Padera zabal batean, koilarakada oparo bat ahate koipe jarri eta su gainean jarriko dugu, tipularekin batean. Gatz pixka bat eman eta gozatzen utziko dugu tipula, gorri eta xamur gelditu arte. Xukaturiko errotak erantsiko dizkiogu orduan tipulari, xerratan zatituak. Kolorea uzten utziko diegu, su eztiagoan oraingoan.
Paderatik erretiratuko dugun koipe soberakinean eta potean geratuko zitzaigun beste mordoxkan frijituko ditugu xerra loditan moztutako patatak. Uretan garbituko ditugu aurrez patata horiek, almidoia kentzearren. Azaletik kraskatsu eta barrutik mamitsu geratuko zaizkigu patatak. Xukatu egingo ditugu ondoren.
Bero egongo dira errotak eta aldiro-aldiro aterako dugu koipea paderatik. Tipula eta errotekin batean jarriko ditugu patata frijituak; biraka erabiliko ditugu jakiak ondoren, ongi nahas daitezen, eta perrexil xehatua hautseztatuko dugu guztiaren gainetik. Gatz-puntua zuzendu eta mahairako prest edukiko dugu guztia.
Ahate errota konfitatuak tipula eta patatekin salteatuak
Ahate magret errea sagarrekin
Ahate magret errea sagarrekin Osagaiak 4 ahate magret edo papar, freskoak 4 baratxuri ale 4 sagar zuritu, atal loditan moztuak, zuztarrik gabe Xorta bat limoi zuku Kanela, ezpal bat Mutur eder bat gurin Zimiko bat …
Ahatea arbiekin gisatua
Ahatea arbiekin gisatua – Osagaiak Ahate eder bat, puskatan egina saltsan egiteko Kg erdia arbi, txikiak, xamurrak eta zurituak Tipulin bat, pikatua 2 tomate, pikatuak 3 baratxuri ale, pikatuak Galleta maria bat Ezkaia, adaxka bat …
Ahate konfitatua entsaladan illarramendi eran
Ahate konfitatua entsaladan illarramendi eran – Osagaiak 4 ahate izter konfitatu, ongi xukatuak 2 eskarola garbi, lehor eta hostoak solte 3 baratxuri ale, pikatuak 8 koilarakada oliba olio birjina Limoi zukua Mutur bat ale-ziape Tomate …
Ahate errota konfitatuak entsaladan
Ahate errota konfitatuak entsaladan – Osagaiak Kg erdia ahate errota, koipean konfitatuak Tipula txiki bat, pikatua Perrexil xehatua Eskarola edo uraza edo entsalada-barazki berderen bat, garbia xukatua Oliba olio birjina Sagardo-ozpina Gatza Errezeta Ongi xukatuko …
Ahate errota konfitatuak perretxikoekin salteatuak
Ahate errota konfitatuak perretxikoekin salteatuak – Osagaiak Kg bat ahate errota, koipean konfitatuak 2 tipula, zerrenda mehetan zatituak Kg erdia perretxiko, garaikoak (barrengorriak, kardu-perretxikoak, eta abar) Gatza Perrexil xehatua Errezeta Ongi xukatuko ditugu lehenik beren …
