Ahate errota konfitatuak entsaladan
- Errezeta
- Bidali iruzkina
Ahate errota konfitatuak entsaladan –
Osagaiak
- Kg erdia ahate errota, koipean konfitatuak
- Tipula txiki bat, pikatua
- Perrexil xehatua
- Eskarola edo uraza edo entsalada-barazki berderen bat, garbia xukatua
- Oliba olio birjina
- Sagardo-ozpina
- Gatza
Errezeta
Ongi xukatuko ditugu lehenik beren koipean konfitaturiko errotak. Padera zabal batean, koilarakada oparo bat ahate koipe jarri eta su gainean jarriko dugu, tipularekin batean. Gatz pixka bat eman eta gozatzen utziko dugu tipula, gorri eta xamur gelditu arte. Xukaturiko errotak erantsiko dizkiogu orduan tipulari, xerratan zatituak. Kolorea uzten utziko diegu, su eztiagoan oraingoan. Aldiro erretiratuko dugu paderan metatuko den koipea. Tanta batzuk sagardo-ozpin gaineratu eta murrizten utziko dugu, usaina baino ez dadin geldi. Perrexil xehatu ugari hautseztatuko dugu haren gainetik.
Gatz-puntua zuzendu ondoren, gopor batean jarriko ditugu errota epelak eta haien gainean entsaladako barazkiak, eskarola nahiz uraza, oliba olio birjina, ozpin eta gatzetan onduak. Plater banatan zerbitzatuko ditugu jakiak, lehenengo entsalada eta ondoren errotak, nahasi gabe, berotasunak entsaladako barazkien hostoak zimel ez ditzan.
Ahate errota konfitatuak entsaladan
Ahate papurtua parmentier eran
Ahate papurtua parmentier eran – Osagaiak Ahate mardul bat, garbi Azenario bat, xerratan Porru bat, xerratan Baratxuri-buru bat Tipula bat, zatitua Litro erdia ardo beltz Ura Pastilla bat haragi-salda 5 tipulin eder, pikatuak Eskukada bat …
Ahate magreta erreta
Ahate magreta erreta Osagaiak 4 ahate magret edo papar, freskoak 4 baratxuri ale Gatza Errezeta Koipearen aldetik hartuko ditugu paparrak eta sare formako ebakia ziztatuko diegu labana zorrotz batez, haragia ukitu gabe. Errazago desegingo da …
Ahatea arbiekin gisatua
Ahatea arbiekin gisatua – Osagaiak Ahate eder bat, puskatan egina saltsan egiteko Kg erdia arbi, txikiak, xamurrak eta zurituak Tipulin bat, pikatua 2 tomate, pikatuak 3 baratxuri ale, pikatuak Galleta maria bat Ezkaia, adaxka bat …
Ahate magret errea abrikotekin
Ahate magret errea abrikotekin – Osagaiak 4 ahate magret edo papar, freskoak 4 baratxuri ale 12 abrikot, erdi tamainakoak, umoak eta usaintsuak Zimiko bat azukre Mutur bat gurin Kanela, adaxka bat Gatza Errezeta Koipearen aldetik …
Ahate errota konfitatuak perretxikoekin salteatuak
Ahate errota konfitatuak perretxikoekin salteatuak – Osagaiak Kg bat ahate errota, koipean konfitatuak 2 tipula, zerrenda mehetan zatituak Kg erdia perretxiko, garaikoak (barrengorriak, kardu-perretxikoak, eta abar) Gatza Perrexil xehatua Errezeta Ongi xukatuko ditugu lehenik beren …
