Itsas kabra pastela
- Errezeta
- Bidali iruzkina
Itsas kabra pastela –
Osagaiak
- 2 itsas kabra edo kabrarroka eder, garbi eta ezkatarik gabe
- 2 tipulin, pikatuak
- Porru baten zuria, pikatua
- 2 baratxuri ale
- Oliba olioa
- Xorta bat brandy
- 6 koilarakada tomate saltsa
- Litro laurdena esnegain urtu
- 8 arrautza, joak
- Gatza eta piperbeltza
Itsas kabra pastela
Errezeta
Hasteko, kazola zabal batean, ur gazia isuri eta su eztian jarriko ditugu itsas kabrak egosten, mamia hezurretatik erraz bereizten dela sumatu arte. Ura irakiten hasi eta 10 bat minutu beharko ditugu horretarako. Erre gabe maneatzeko moduan egotean papurtuko dugu arraina. Bere horretan eutsiko diogu azalari eta buruko mamia ere baliatuko dugu. Hezurrak, katuarentzat.
Kazola batean, su ezti-eztian jarriko ditugu tipulinak, porrua eta baratxuriak olio pixka batean gozatzen. Barazkiak xamurtzean, 10 bat minuturen buruan, erantsiko dugu brandya. Murrizten utzi ondoan irauliko dugu tomate saltsa. Biraka nahasiko dugu ondoren guztia. Arrain papurtuaren txanda etorriko da gero: ongi nahasi eta berotasun horretan edukiko dugu, irakin gabe, ez lehortzeko.
Sutatik kanpora nahasiko ditugu arrautzak eta esnegaina. Gatza eta piperbeltza emango diegu ondoren. Aurrez maneaturiko jakiak erantsi eta nahasiko dugu guztia. Gatz-puntua zuzenduko dugu.
Molde handi bat edo bi txiki (plum-cake motakoak) hartu eta, gurin urtuaz igurtzi ondoren, ogi birrinduaz hornituko ditugu barruko aldeak. Nahastura sartuko dugu ondoren. Bainu-marian edukiko ditugu moldeak 20-30 minutuan 180º-tan, nahastura ongi mamitu arte. Labeko epea luzatuz gero, lehortuko zaigu pastela, eta mamitsu gelditu behar zaigu. Hori frogatzeko astindu txiki bat emango diegu moldeei labe barruan: ertzak tinko eta barrua dardarati agertu behar zaigu pastela.
Hoztu eta gero, moldetik atera eta moztu egingo dugu pastela. Saltsa arrosan edo maionesan ongi bustirik jango dugu, ogi txigortuekin.
Itsas kabra pastela
Udare tarta
Udare tarta – Osagaiak Tarta molde bat, labean berotutako masa hautsi fin-finaz estalia, hotza 6 udare, zurituak, dadotan moztuak Korintoko mahaspasak, eskutada bat (sobera lehor baleude, zenbait orduz eduki beratzen Calvados-etan) Zurrusta bat Calvados (edo …
Pastel bat bizkotxo zaharrarekin nola egin
Pastel bat bizkotxo zaharrarekin nola egin – Osagaiak Bizkotxo lehorra edo brioche ogi zaharra, zati eder bat 5 arrautza Katilukada bat esnegain urtu Zorrotada on bat Armagnac Bainila urtua edo karamelu urtua, pixar bat Errezeta …
Itsas kabra plantxan baratxuri-olioarekin
Osagaiak 4 itsas kabra oso, ezkatarik gabe 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza *Lau pertsonentzat Errezeta Gatza bi aldeetatik eman eta padera batean jarriko ditugu itsas …
San Markos opila
San Markos opila – Osagaiak 225 g gurin bigun 280 g azukre limoi azal baten hautsa gatz pitin bat 115 g arbendol edo almendra eho koilarakadatxo erdi legami 200 g irin 3 arrautza San Markos …
Arroz eta hegaluze pastel hotza
Osagaiak Kg erdia arroz zuri, egosia 300 g hegaluze, kontserbakoa eta xukatua 250 g tomate saltsa hotz 250 g maionesa hotz 6 pikillo piper, zerrendatan moztua 2 eskukada oliba beltz eta berde, hezurrik gabe Errezeta …
