Bakailao tortilla

Errezeta

Kazola edo padera batean olioa isuri eta hartan gozatuko ditugu, su ezti-eztian, barazkiak piperminarekin batean. Bakailaoa papurtua edo solomotan edukiko dugu, baina ongi beratua betiere. Erretilu batean paratuko dugu bakailaoa; olio tanta batzuk gainetik bota eta labean edo mikrouhinetan edukiko dugu 5 bat minutuan (120º-tan edo 650 w-tan). Atera eta azala eta hezurrak kenduko dizkiogu. Papurtu eta geroko gorde.

Eztituriko barazkien gainean erantsiko dugu bakailao papurtua. Biraka erabiliko dugu guztia, berotzen den bitartean, eta zukua isuriko du epe horretan bakailaoak. Arrautzak jo, barazki eta bakailaoarekin nahasi eta perrexil erantsiko dugu ondoren. Gatz pittin bat eman eta tortilla egingo dugu, lehortzen utzi gabe, barrua mamitsu egon dadin.

Garrantzitsua da bakailaoa arrautzarekin nahasi aurretik ongi egina egotea. Bestela, tortilla egin eta gero, ura edo zukua isuriko du eta, tortilla zaporetsua egongo den arren, ez da horren ikusgarri egongo. Kontuz ibili beharra dago bada, haurrekin batez ere, ongi baitakigu zein bereziak diren jaki “nazkagarrien” aurrean.

Bakailao tortilla