Bakailao ajoarrieroa
- Errezeta
- Bidali iruzkina
Bakailao ajoarrieroa
Osagaiak
- 3 puska bakailao beratu, 250 g bakoitzak
- Tipulin handi bat, pikatua
- 4 baratxuri ale, pikatuak
- 12 piper txorizeroen mamia, uretan beratu ondoren
- 10 koilarakada tomate saltsa
- Kaienako pipermina, pixar bat
- 10 koilarakada oliba olio
- Perrexil pikatua
Errezeta
Azala eta hezurrak kendu ondoren, hatzekin papurtuko dugu bakailao mamia, intxaur baten tamainako pusketak eginez. Azala pikatuko dugu ondoren, geroko saltsan erabiltzeko. Ongi lehortuko dugu ondoren arraina.
Kazola zabal batean isuriko dugu olioa, su eztian. Tipulina, baratxuria eta pipermina erantsiko ditugu ondoren, eta oliotan gozatzen utziko dugu guztia, kolore gorria hartu eta xamur gelditu arte. Bakailaoa eta azala gaineratuko ditugu orduan, nahas eta nahas. Piper txorizeroen mamia eta tomatearen txanda izango da gero: 20 bat minutuan edukiko dugu irakiten guztia, jakiari hondoan itsasten utzi gabe. Perrexila erantsi eta gatza neurtuko dugu, zerbitzatu aurretik.
Bakailao ajoarrieroa
Tomate entsalada oliotan ondutako bakailao gibelarekin
Osagaiak 4 tomate heldu Oliotako bakailao gibela, pote bat olioa kenduta 2 koilarakada sagardo-ozpin Oliba olio birjina, 8 zopa-koilarakada Gatza *Lau pertsonentzat Errezeta Kendu zurtoina tomateei eta, kontu handiz, labana zorrotz batekin, azala kendu, fruitua …
Bakailao kokotxa freskoak irin-arrautzeztatuak
Osagaiak Kg bat bakailao kokotx fresko, azalik gabe Ximiko bat irin Arrautza joa Oliba olioa Gatza Errezeta Irinetan igurtziko ditugu multzoka bakailao kokotxak, soberakina erretiratuz. Arrautza jo eta hartan bustiko ditugu ondoren puskak. Padera batean …
Bakailao hegalak saltsa berdean patatekin
Osagaiak Bakailao freskoaren hegalak, garbiak, hondar beltzak-eta kenduta. Kilo bat 10 koilarakada oliba olio Baso erdi bat ardo zuri Arrain salda edo ura 2 baratxuri ale, txikituak Perrexil txikitua Patata txiki batzuk, egosiak, xerra lodi …
Kuiatxoak bakailaoz beteta
Osagaiak Bakailao errezeta bat, ajoarrieroa 4 kuiatxo handi 4 koilarakada oliba olio Gatza *Lau pertsonentzat Errezeta Kuiatxoak garbitu eta lehortuko ditugu. Luzetara moztu bitan, eta koilaratxo baten laguntzaz hustu egingo ditugu, kontu handiz, haragi pixka …
Baratxuri zopa bizkorra bakailaoarekin, mikrouhinetan
Baratxuri zopa bizkorra bakailaoarekin, mikrouhinetan – Osagaiak 8 baratxuri xister, xerratan Pipermin lehorra, pixar bat Zorrotada bat oliba olio Ogi txigortua edo zopako ogia, puska eder bat (60 bat g) 4 koilarakada bete tomate saltsa …
