Atun mendrezka errea tipula eta pipermin frijituekin
- Errezeta
- Bidali iruzkina
Osagaiak
- Atun mendrezka eder bat, osorik eta azal eta hezurrik gabea
- 4 tipula, zerrendatan moztua
- Oliba olioa
- 24 pipermin fresko
- Perrexil pikatua
- Gatza
- 2 koilarakada eguzki-lore olio
- Koilarakada bat sagardo-ozpin
Errezeta
Kazola edo padera bat su ertainean jarri eta hartan maneatuko ditugu tipulinak, gatz eta oliba olio pixar batez. Erne, erre edo gehiegi gorri ez dakizkigun! Koipea xukatu eta geroko gordeko dugu tipulina. Oliba olio ugaritan frijituko ditugu ondoren piperminak. Xukatu. Eguzki-lore olioa, perrexila pikatua eta sagardo-ozpina ongi nahasiko dugu gero.
Alde bietatik gatza eman ondoren, txigortzen jarriko dugu padera batean mendrezka, su bizian, olio xorta batekin. 4 minuturen buruan, sutatik aterako dugu mendrezka, lehor ez dakigun. Gatza eman eta olio, perrexil eta ozpin nahastura garaztatuko dugu ondoren haren gainean. Potxaturiko tipulina berotu eta salteaturiko mendrezkaren azpian jarriko dugu. Haren gainean, ordea, piper min frijitu berriak paratuko ditugu. Piperminen olioa erantsiko dugu azkenik.
Atun eta piper erre ogitartekoa
Atun eta piper erre ogitartekoa – Osagaiak Opil bat, bitan irekia Lata txiki bat hegaluze oliotan, ongi xukatua eta zatitan bereizia Piper gorriak edo berdeak, erreak, zurituak, zerrendatan moztuak eta oliotan, baratxuri ale gordin batekin, …
Atun mendrezka errea baratxuri-olioarekin
Osagaiak Atun mendrezka eder bat, osorik eta azal eta hezurrik gabea 6 koilarakada oliba olio 4 baratxuri ale, xerratan 3 koilarakada sagardo-ozpin Perrexil pikatua Gatza Errezeta Alde bietatik gatza eman ondoren, txigortzen jarriko dugu padera …
Atuna pistoarekin
Atuna pistoarekin – Osagaiak 4 atun solomo lodi, hezur eta azalik gabe, 220 g bakoitzak 4 baratxuri ale Kg erdia barazki-pisto, dagoeneko maneatua 3 koilarakada oliba olio Ximiko bat irin Xorta bat ardo zuri Atuna …
Atun ogitartekoa
Atun ogitartekoa – Osagaiak Opil bat, bitan irekia Lata txiki bat hegaluze oliotan, ongi xukatua eta zatitan bereizia Piper gorriak edo berdeak, erreak, zurituak, zerrendatan moztuak eta oliotan, baratxuri ale gordin batekin, edukiak Errezeta Oliba …
Atuna eskabetxean
Osagaiak 1,5 kg atun, garbi domina lodietan moztua (hobe isats aldekoak badira, samurragoak baitira) Irina eta frijitzeko olioa 2 tipulin eder, zerrendatan moztuak Porru bat, xerratan 8 baratxuri xister, osorik Erramua, hosto fresko bat 4 …
