Muskuiluak tomatearekin
- Errezeta
- Bidali iruzkina
Muskuiluak tomatearekin –
Osagaiak
- 2 Kg muskuilu
- Litro laurdena ardo zuri
- Oliba olio
- Kaienako pipermina, mutur bat
- 6 baratxuri ale, pikatuak
- 4 tipulin, pikatuak
- Litro bat tomate saltsa
- Perrexil xehatua
Muskuiluak tomatearekin
Errezeta
Ur zurrusta hotzaren azpian garbituko ditugu muskuiluak, tentu eta kontu handiz. Baztertu egingo ditugu hondaturik edo zabalik daudenak, eta bizarretatik tiraka garbituko ditugu zikinenak.
Kazola tapadun batean isuriko dugu ardo zuria eta gaineratu kaiena muturra. Sutan jarri eta, isurkaria bor-bor hasi orduko, erantsiko ditugu muskuiluak. Kazola tapa dezagun ondoren. Minutu batzuen buruan erretiratuko ditugu zabaldutako muskuiluak, eta eltze batera iragaziko dugu ondoren kazolan gelditu den salda, su eztian erdira-edo murriztu dadin. Iragazi eta geroko gordeko dugu zuku hori.Hutsik geraturiko oskola kenduko diegu ondoren muskuiluei.
Xorta bat oliba olio, kaiena muturra, baratxuri aleak eta tipulinak kazolan jarri ondoren, su ertainean edukiko ditugu gai horiek guztiak eztitzen 15 bat minutuan. Muskuilu zuku murriztua eta tomate saltsa gaineratuko ditugu ondoren. Irakiten utziko dugu guztia. Muskuiluak eta perrexil pikatua erantsiko ditugu azkenik. Gozatzen utzi pixka batean, eta zerbitzatu.
Muskuiluak tomatearekin
Muskuiluak lurrunean irekita patata frijituekin
Muskuiluak lurrunean irekita patata frijituekin – Osagaiak 2 Kg muskuilu Litro laurdena ardo zuri Kaienako pipermina, mutur bat Perrexil xehatua Patata frijituak, kraskatsuak Errezeta Ur zurrusta hotzaren azpian garbituko ditugu muskuiluak, tentu eta kontu handiz. …
Pasta muskuiluekin
Pasta muskuiluekin Osagaiak Tipulin txiki bat, xehe-xehe egina Baratxuri ale bat, txikitua Oliba olio pixka bat Ardo zuri pixka bat Baso erdi bat ur Ximiko bat piperrauts gozo 2 koilarakada handi tomate saltsa Muskuilu txikiak, …
Muskuiluak lurrunean irekita gurin saltsa krematsuarekin
Muskuiluak lurrunean irekita gurin saltsa krematsuarekin – Osagaiak 2 Kg muskuilu Litro laurdena ardo zuri Kaienako pipermina, mutur bat Gurina, zati handi bat (250 bat g.) Perrexil xehatua Errezeta Ur zurrusta hotzaren azpian garbituko ditugu …
Muskuiluak lurrunean irekita
Muskuiluak lurrunean irekita – Osagaiak 2 Kg muskuilu Litro laurdena ardo zuri Kaienako pipermina, mutur bat Perrexil xehatua … Errezeta Ur zurrusta hotzaren azpian garbituko ditugu muskuiluak, tentu eta kontu handiz. Baztertu egingo ditugu hondaturik …
Muskuiluak garbitzeko era
Muskuiluak garbitzeko era – Osagaiak Ura … Errezeta Muskuiluak jango baditugu, garrantzi handikoa da aldez aurretik haiek oso ongi garbitzea. Sukaldeko harraskan jarri, eta ur txorrotada hotzarekin garbitu ongi begiratuta. Bazter itzazu hautsiak dauden muskuiluak …
