Errezeta

Kazola zabal bat sutan jarri eta, tanta batzuk oliba olio isuri ondoren, erantsiko ditugu hirugihar dadoak eta baratxuri aleak. Biraka erabili eta olioa, salda-pastilla eta ura gaineratuko ditugu. Egos dadila guztia. Irakiten hasi orduko eztituko dugu sua, apalenera eramanez. Oilasko hegalak sartuko ditugu orduan: estalirik geldituko dira. Hala ez bada, ur eta olio gehiago isuri. Ordu pare batean edukiko ditugu horrela, tenperatura berean eta irakiten utzi gabe, haragia hezurretik bereizi dela ikusi arte. Egosi diren saldan utziko ditugu hozten. Jan aurretik xukatu eta mikrouhinetan berotuko ditugu, edo allioli saltsarekin, entsalada batekin edo ogitartekoan jango ditugu.

Oliba olioaren ordez ahate koipea, eta saldaren ordez ura, erabil dezakegu. Egostearen hasieran ezkaia edo erromeroa ere erantsi ahal izango dugu (adaxka batzuk), haragia lurrintzearren.