Errezeta

Eltze zabal batean, 5 koilarakada gurinetan gorrituko ditugu tipulatx pikatuak, gatz pixar batekin. Koipe asko izanez gero, garbitu egingo ditugu giltzurrunak. Koipe geruza mehe bat utziko diegu kanpoaldetik. 10 xerra ez oso mehetan zatituko dugu horietako bakoitza, eta ahalik eta nerbio gehien aterako diegu barrutik. Gatza eta piperbeltza emango diegu ondoren.

Padera baten tanta bat olio isuri eta su bizian gorrituko ditugu giltzurrun xerrak, gehiegi egin gabe, gogor ez daitezen. 30 bat segundo alde bakoitzetik. Ondoren, plater txokon baten gainean jarriko dugu xukatzeko ontzia, isuriko dituzten zukuak eta odola jasotzeko. Giltzurrunak txigortu ditugun padera berean erantsiko dugu Xerezko ardoa; sua eztitu eta erdira murrizten utziko dugu. Esnegaina erantsiko dugu gero, eta erdira murrizten utziko dugu hau ere. Sutatik atera eta ziapea erantsiko dugu. Gatza eta piperbeltza emango ditugu ondoren.

Giltzurrun xerra txigortuak eta tipulatx potxatua erantsiko dizkiogu saltsa honi, ongi nahasiz. Bi bat minutuan edukiko dugu guztia su eztian, bira eta bira irakiten utzi gabe, gaiak saltsan ongi bil daitezen. Perrexila gainetik hautseztatu eta zerbitzatu egingo ditugu giltzurrunak.