Kuia marmelada
- Errezeta
- Bidali iruzkina
Osagaiak
- Kalabaza mamia, azal eta pipitarik gabea, kilo bat
- 900 g azukre beltz
- Baso bete ur
- Bainila leka bat
- Kanela adaxka bat
- 2 limoiren zukua
Errezeta
Kalabaza (kuia) zerrenda finetan moztu, zerrenda ez berdinetan. Kazola zabal batean jarriko ditugu osagaiokin: limoi zukua, azukrea, ura, kanela adaxka eta bainila leka. Bainila leka bitan irekita, eta barreneko bihiak marruskaturik; den-dena sartuko dugu kazolan. Buelta batzuk eman denari. Estalki hermetiko bat jarriko diogu kazolari, zikinkeriarik eror ez dadin barrenera. Hozkailuan 12ren bat orduz utziko dugu.
Denbora hori pasatuta, su motelean jarriko dugu kazola, eta irakiten utziko dugu, poliki-poliki, 5 bat minutuz. Gero sutatik baztertu, estali eta pausatzen utziko dugu hozkailuan beste 12 orduz. Ordu horiek iraganik, berriz sutan jarri kazola, su ez oso bizian, eta oraingoan 20 minutuz eduki irakiten. Sutatik baztertu, marmelada ontzi hermetikotan sartu, itxi eta buruz behera jarri, hozten diren arte.
Hozkailuan gordeko dugu marmelada handik gutxira kontsumitzeko asmoa baldin badugu. Denbora luzea iraun dezan nahi badugu, ur irakinetan esterilizatuko ditugu flaskoak.
Denbora franko behar bada ere marmelada prestatzeko, erraz-erraz da. Egizu proba.
Kuia zopa
Kuia zopa – Osagaiak 500 g kuia mami 4 koilarakada handi oliba olio birjina 50 g tipulin, pikatua Litro erdia salda edo ur Gurina, puska bat Jogurt natural erdia Gatza Kuia zopa Errezeta Zuritu eta …
Gazta tarta piku marmeladarekin
Gazta tarta piku marmeladarekin – Osagaiak Hondoa prestatzeko: 2 arrautza 100 g gurin guri, pomadan 100 g azukre 100 g pastel-irin ahul Ximiko bat legamia hauts Betegarria prestatzeko: 3 terrina gazta fresko, San Millan edo …
Konpota azukre gorritua
Konpota azukre gorritua – Osagaiak 100 g azukre 350 g almendra, txikitua eta txigortua Ekilore olio pixka bat 300 g mertxika marmelada Mertxika pattarra, 4 koilarakada Konpota azukre gorritua Errezeta Eltze bat jarriko dugu sutan, …
Dilista, azenario eta kuia entsalada
Dilista, azenario eta kuia entsalada – Osagaiak Egositako dilista edo lenteja pote bat 8 azenario berri/txiki/finak 200 g kuia “roble” letxuga ale bat Eskarola buru bat Sesamoa Oliba olioa Ozpina Kurkuma … Errezeta Lehenik eta behin, dilistak iragazi …
Barazki gainerreak proventzako eran
Osagaiak 2 tipulin, zerrendatan moztuak Ezkai iharra edo edo freskoa, pixar bat 4 koilarakada bete oliba olio birjina estra 5 tomate ertain 3 alberjinia 3 kuiatxo Gatza *Lau pertsonentzat Errezeta Eltze giderdun batean koilarakada bat …
