Mugurdi salteatuak bainila izozkiarekin
- Errezeta
- Bidali iruzkina
Osagaiak
- 500 g mugurdi, txortena kenduta
- 4 koilarakada azukre beltz
- 2 koilarakada gurin
- Limoi ur tanta batzuk
- Bainila izozkia
Errezeta
Zartagin handi batean azukrea paratu eta karamelu itxura har dezala su motelean. Pixka bat gorritu behar du, baina erre gabe betiere. Une horretan, gurina gehitu, sua bizitu eta mugurdiak sartu. Salteatu daitezela. Ez eragiteari utzi melenga itxura hartzen duen arte, mugurdiak geruza fin distiratsu batez estali arte. 20 bat segundo beharko dira, su aski bizian. Zartaginetik atera aurretik, zuku tantak botako dizkiegu. Gero mugurdiak zenbait plateretan banatu. Haien gainean bainila izozki bat jarriko dugu, urtzen denean saltsarena egingo baitu.
Mugurdi eta mertxika ur izoztua
Mugurdi eta mertxika ur izoztua – Osagaiak Marrubi garbiak eta mertxika mamia, zuritua eta hezurrik gabe, kilo bat Kalitate oneko ardo beltza, 375 cl Limoi baten zukua Ur hotz-hotza, 1,7 litro 300 g azukre Errezeta …
Azukre bainilatua nola egin
Azukre bainilatua nola egin – Osagaiak 500 g azukre Limoi hori baten azal pixka bat, birrindua 2 bainila leka, lehorrak edo freskoak. Zein ditugun, horiexek. Azukre bainilatua nola egin Errezeta Azukre honen oinarria bainila lekak …
Mugurdi eta marrubi ur izoztua
Mugurdi eta marrubi ur izoztua – Osagaiak Mugurdi eta marrubi garbiak, kilo bat Kalitate oneko ardo beltza, 375 cl Limoi baten zukua Ur hotz-hotza, 1,7 litro 300 g azukre Errezeta Irabiagailu baten ontzian osagai guztiak …
Mugurdiak garbitzeko era
Mugurdiak garbitzeko era – Hau da hau kontraesana! Errezeta burugabea da hau, mugurdiak_ez baitira garbitu behar. Uler ezazu. Mugurdiak_bildu eta berehalaxe jan behar dira, hozkailuan sartuz gero hondatu egiten baitira, segituan galtzen dira. Txortena badu, …
Mugurdiak krema ingelesarekin
Osagaiak 750 g mugurdi, ongi onduak Krema ingelesa, litro erdia Errezeta Ziur egon behar dugu mugurdiek xomorrorik ez dutela eta txortena gogor eta arantzatsua dutela. Behar izanez gero, uretan pasa eta poliki-poliki xukatuko ditugu zapi …
