Pasta carbonara
- Errezeta
- Bidali iruzkina
Pasta carbonara –
Osagaiak
- Hirugihar ketua, 8 xerra, puskatan
- Litro erdia esnegain likido
- 2 baratxuri ale, txiki-txiki eginak
- Koilarakada bat oliba olio
- 2 arrautza, joak
- Perrexil xehatua
- 700 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)
- Gatza
Pasta carbonara
Errezeta
- Zartagin batean olioa berotu eta hirugihar puskak frijitzen jarri, ongi gorritu eta txigortzen diren arte. Poliki-poliki frijitu daitezela.
- 10 bat minutu iraganik, baratxuriak gehitu eta hauek erre baino lehenago, dena pixka bat xukatu eta bildu arrautza joarekin eta esnegainarekin. Perrexila ere eman.
- Pasta eltze batean egosi eta gero, xukatu eta berriz sartuko dugu eltze berean, hutsik baitago baina bero.
- Pastari gehitu, orduan, arestian prestatutako nahastura: hirugihar puskak, arrautza joa eta esnegaina. Dena ongi nahasi, loditu dadila pixka bat saltsa, eta pasta saltsan blaitua gelditu dadila.
- Zerbitzatu eta jan.
Pasta carbonara
Pasta pistoarekin
Pasta pistoarekin – Osagaiak 600 g pasta, egosi berria, nahi dena (saltsa daramaten plater mota honetarako espagetiak edo makarroiak dira egokiak, baita gnocchi goxo batzuk ere) Barazki pistoa egiteko errezeta Gatza Pasta pistoarekin Errezeta Pasta …
Pasta barazkiekin
Pasta barazkiekin – Osagaiak Tipulin bat, txiki-txiki egina Piper berde bat, txiki-txiki egina Piper gorri bat, txiki-txiki egina Porru bat, txiki-txiki egina Lekak, zerrenda laburretan moztuak eta hariak kenduta. Eskutada bat Dozena bat orburu bihotz, …
Eskarola entsalada hirugihar puskekin
Eskarola entsalada hirugihar puskekin – Osagaiak 2 eskarola garbi, xukatu eta hostoak libratuta Hirugihar ketua puskatan, eskutada bat Baratxuri ale bat Oliba olio birjina, 6 koilarakada 2 koilarakada sagardo-ozpin Gatza eta piperbeltza Eskarola entsalada hirugihar …
Oilo kaneloiak
Osagaiak Oilo mardul bat, garbi Azenario bat, xerratan Porru bat, xerratan Baratxuri-buru bat Tipula bat, zatitua Litro erdia ardo beltz Ura Pastilla bat haragi-salda 5 tipulin eder, pikatuak Eskukada bat barrengorri, pikatuak Oliba olioa 16 …
Pasta hirugiharrarekin
Pasta hirugiharrarekin – Osagaiak Hirugihar ketua, 8 xerra, puskatan 2 baratxuri ale, txiki-txiki eginak 3 koilarakada oliba olio Perrexil xehatua 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak …
