Ziazerbak hirugiharrarekin salteatuak
- Errezeta
- Bidali iruzkina
- Antzeko errezetak
Ziazerbak hirugiharrarekin salteatuak –
Osagaiak
- Kg bat ziazerba fresko
- 5 baratxuri ale, xerratan moztuak
- Hirugihar ketua, zerrenda finetan moztua
- 4 koilarakada oliba olio
- Piperbeltza, eho berria
- Gatza
Ziazerbak hirugiharrarekin salteatuak
Errezeta
Ziazerbak garbituko ditugu lehenik. Harraskan sartuko ditugu, tanta batzuk ehe edo ozpina izango dituen ur hotzean. Eskuz nahasi eta minutu batzuetan edukiko ditugu gozatzen, zikina hondora dadin. Kontu handiz xukatuko ditugu. Ur zikina bota eta ur hotz ugari garbian edukiko ditugu ziazerbak berriro, ongi garbitzeko. Zurtoina moztu eta hostoak zeharkatzen dituen hari lodia kenduko diegu luzera osoan zehar. Banan-banan jokatuko dugu horrela. Txikiak direnean, ez zaie ziazerbei zurtoina kendu behar, gogorrei bakarrik.
Ziazerbak garbitzen ari garen bitartean, olioa jarriko dugu ziazerba guztiak hartuko dituen kazola batean, eta su eztian edukiko ditugu olio hartan hirugihar zerrendak. Ezti-ezti utziko ditugu gaiak egiten, kazolari etengabe eraginez eta gaiei kolorea hartzen utzi gabe. 15 bat minutuan jardungo dugu horrela. Ondoren, sua bizitu eta gordinik erantsiko ditugu ziazerbak, birak etengabe emanez, eta tapa batez estaliz. Bolumen hori murriztuz joango da arian-arian eta gero eta urriagoa izango da, halaber, ziazerben zukua. Beste 15 minutu emango ditugu horrela. Epe horren ostean, tapa erretiratu eta gatz pixka bat emango dugu. Zimiko bat piperbeltz erantsi eta jateko prest edukiko ditugu, barazki edo hornidura gisa.
Bada salteatu aurretik ziazerbak ur gazian egosi eta ongi xukatu ondoren oliotan iraultzen dituenik. Aukera bat da, baina gordinik salteatuta oso goxoak geratzen dira, ziazerbak berriak eta xamurrak badira.
Ziazerbak hirugiharrarekin salteatuak

Pasta hirugiharrarekin
Pasta hirugiharrarekin – Osagaiak Hirugihar ketua, 8 xerra, puskatan 2 baratxuri ale, txiki-txiki eginak 3 koilarakada oliba olio Perrexil xehatua 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak …

Ziazerbak kreman mahaspasa eta pinaziekin
Ziazerbak kreman mahaspasa eta pinaziekin – Osagaiak Kg bat ziazerba fresko Tipulin bat, pikatua 2 baratxuri ale, xehatuak 5 koilarakada oliba olio Litro laurdena esnegain urtu 4 koilarakada mahaspasa uretan beratuak 4 koilarakada pinazi txigortu …

Patata pastela
Patata pastela – Osagaiak 0,6 kg patata 200 g esnegaina 30 g oliba olio 120 g hirugiharra Piper hauts beltza perrexila gazta 25 g ura Patata pastela Errezeta: Patata zuritu eta xerra finetan moztu. Uretan …

HUT ogitartekoa (hirugiarra, uraza eta tomateaz)
HUT ogitartekoa (hirugiarra, uraza eta tomateaz) – Osagaiak Opil bat, bitan irekia Saltsa maionesa 6 xerra hirugihar ketu Uraza, hosto garbi batzuk Tomate naturala, xerra batzuk Errezeta Ogitarteko hau moldeko ogiaz egin daiteke, baina hobekiago …

Eskarola entsalada hirugihar puskekin
Eskarola entsalada hirugihar puskekin – Osagaiak 2 eskarola garbi, xukatu eta hostoak libratuta Hirugihar ketua puskatan, eskutada bat Baratxuri ale bat Oliba olio birjina, 6 koilarakada 2 koilarakada sagardo-ozpin Gatza eta piperbeltza Eskarola entsalada hirugihar …