Ziazerbak urdaiazpikoarekin salteatuak
- Errezeta
- Bidali iruzkina
- Antzeko errezetak
Ziazerbak urdaiazpikoarekin salteatuak –
Osagaiak
- Kg bat ziazerba fresko
- 5 baratxuri ale, xerratan moztuak
- Urdaiazpikoa, xerra finetan moztua
- 4 koilarakada oliba olio
- Piperbeltza, eho berria
- Gatza
Ziazerbak urdaiazpikoarekin salteatuak
Errezeta
Ziazerbak garbituko ditugu lehenik. Harraskan sartuko ditugu, tanta batzuk ehe edo ozpina izango dituen ur hotzean. Eskuz nahasi eta minutu batzuetan edukiko ditugu gozatzen, zikina hondora dadin. Kontu handiz xukatuko ditugu. Ur zikina bota eta ur hotz ugari garbian edukiko ditugu ziazerbak berriro, ongi garbitzeko. Zurtoina moztu eta hostoak zeharkatzen dituen hari lodia kenduko diegu luzera osoan zehar. Banan-banan jokatuko dugu horrela. Txikiak direnean, ez zaie ziazerbei zurtoina kendu behar, gogorrei bakarrik.
Ziazerbak garbitzen ari garen bitartean, olioa jarriko dugu ziazerba guztiak hartuko dituen kazola batean, eta su eztian edukiko ditugu olio hartan urdaiazpiko xerrak. Ezti-ezti utziko ditugu gaiak egiten, kazolari etengabe eraginez eta gaiei kolorea hartzen utzi gabe. 15 bat minutuan jardungo dugu horrela.
Ondoren, sua bizitu eta gordinik erantsiko ditugu ziazerbak, birak etengabe emanez, eta tapa batez estaliz. Bolumen hori murriztuz joango da arian-arian eta gero eta urriagoa izango da, halaber, ziazerben zukua. Beste 15 minutu emango ditugu horrela. Epe horren ostean, tapa erretiratu eta gatz pixka bat emango dugu. Zimiko bat piperbeltz erantsi eta jateko prest edukiko ditugu, barazki edo hornidura gisa.
Bada salteatu aurretik ziazerbak ur gazian egosi eta ongi xukatu ondoren oliotan iraultzen dituenik. Aukera bat da, baina gordinik salteatuta oso goxoak geratzen dira, ziazerbak berriak eta xamurrak badira.
Ziazerbak urdaiazpikoarekin salteatuak

Tomate, mozzarella, barrengorri eta urdaiazpiko pizza
Tomate, mozzarella, barrengorri eta urdaiazpiko pizza Osagaiak: 500 gr irin 250 gr ur 12,5 gr legami 12,5 gr gatz 50 gr oliba olio 2 tomate pote 4 mozarela bola bat 8 barrengorri edo txanpinoi haundi …

Tipula eta urdaiazpiko tarta
Osagaiak Tarta molde bat, labean berotutako masa hautsiaz edo hostore masaz estalia 5 tipula ertain, xerratan moztuak 3 koilarakada oliba olio Baratxuri ale bat, txikitua Urdaiazpikoa, dadotan moztua, eskutada bat Baso txiki bat esnegain likido …

Ziazerbak kreman
Ziazerbak kreman – Osagaiak Kg bat ziazerba fresko Tipulin bat, pikatua 2 baratxuri ale, xehatuak 5 koilarakada oliba olio Litro laurdena esnegain urtu Piperbeltza, eho berria Gatza Ziazerbak kreman Errezeta Ziazerbak garbituko ditugu lehenik. Harraskan …

Ogia tomatearekin xabier eran
Ogia tomatearekin xabier eran – Osagaiak Ogia Olibolioa Tomate bat Urdaiazpikoa Errezeta Lehenengo ogiazko txirrindola bat moztu eta zartaginean xigortu. Gero tomatea moztu eta… txirrindola igurtzi. Ondoren, olibolio pixka bat bota. Azkenik urdaiazpikozko bi …

Bruselatxoak urdaiazpikoarekin
Bruselatxoak urdaiazpikoarekin – Osagaiak 400 g bruselatxo 50 g urdaiazpiko serranoa, dadotan 2 baratxuri ale dl bat oliba olio Gatza Errezeta Eltze batean ura jarriko dugu irakiten, gatz pixka batekin. Bruselatxoak garbitu eta bitan egingo …