Zerbak urdaiazpikoarekin
- Errezeta
- Bidali iruzkina
Zerbak urdaiazpikoarekin
Osagaiak
- Xorta bat zerba
- 4 patata eder
- 7 koilarakada oliba olio
- 4 baratxuri ale
- Urdaiazpikoa, dadotan edo xerra oso finetan moztua
- Gatza
Errezeta
Zuritu eta puska ertainetan zatituko ditugu patatak. Orri-mamiak hosto berdeetatik bereiziko ditugu ondoren. Orri-mamiei hariak kendu eta 5 zm-ko puskak egingo ditugu. Hosto berdeak hainbat uretan garbitu eta zerrenda luzetan zatituko ditugu labanaz. Gatza ur ugaritan bota eta hartan jarriko ditugu egosten patatak eta zerbaren orri-mamiak. 20 minutuan edukiko ditugu egosten, su ezti-eztian, patatak eta orri-mamiak xamurtu eta labanaren ahoari eutsiko ez dioten arte. Egoste denborarako 5 minutu falta direla, zerbaren hosto berdeak erantsiko ditugu, patatak eta orri-mamiak baino lehenago egosten baitira. Xukatu eta kazola berean ipiniko ditugu berriro barazkiak.
Padera batean, olioa eta baratxuriak ipiniko ditugu frijitzen. Baratxuriak ongi gorritu ondoan, kazolan utzi ditugun barazkien gainean zabalduko ditugu olioarekin batean. Padera berriro su gainean jarri eta hartan eztituko dugu urdaiazpikoa, dadotan edo xerratan, ez ordea gehiegi, gazi ez dadin. Puskak zerben gainetik banatu ondoren, kontu handiz nahasi eta berehala mahairatuko dugu platera. Hoztuz gero, minutu batzuetan eduki ahal izango dugu mikrouhinetan.
Zerbak urdaiazpikoarekin
Tipula eta urdaiazpiko tarta
Osagaiak Tarta molde bat, labean berotutako masa hautsiaz edo hostore masaz estalia 5 tipula ertain, xerratan moztuak 3 koilarakada oliba olio Baratxuri ale bat, txikitua Urdaiazpikoa, dadotan moztua, eskutada bat Baso txiki bat esnegain likido …
Piper berde eta urdaiazpiko ogitartekoa
Piper berde eta urdaiazpiko ogitartekoa – Osagaiak Opil bat, bitan irekia Piper berde eder bat, txortenik eta hazirik gabe, zerrenda luzetan moztua 4 xerra mehe urdaiazpiko serrano Gatza eta oliba olioa Piper berde eta urdaiazpiko …
Zerba orri-mami beteak saltsan
Zerba orri-mami beteak saltsan Osagaiak Xorta bat zerba Urdaiazpiko iberiarra eta gazta, xerretan moztua Irina eta arrautza Oliba edo eguzki-lore olioa, frijitzeko 2 baratxuri ale, pikatuak Orri-mamiak egositako uraren salda, litro laurdena inguru 3 koilarakada …
Zerbak patatekin
Zerbak patatekin Osagaiak Xorta bat zerba 4 patata eder 7 koilarakada oliba olio 4 baratxuri ale Gatza Errezeta Zuritu eta puska ertainetan zatituko ditugu patatak. Orri-mamiak hosto berdeetatik bereiziko ditugu ondoren. Orri-mamiei hariak kendu eta …
Kuiatxoak urdaiazpikoarekin salteatuta
Osagaiak 5 kuiatxo eder Urdaiazpiko xerra lodi bat, dado txikitan moztua Baratxuri ale bat, xehatua Tipulin bat, pikatua 6 koilarakada oliba olio Gatza *Lau pertsonentzat Errezeta Uretan garbituko ditugu kuiatxoak eta bi muturrak kenduko dizkiegu …
