Tipula eta urdaiazpiko tarta
- Errezeta
- Bidali iruzkina
Osagaiak
- Tarta molde bat, labean berotutako masa hautsiaz edo hostore masaz estalia
- 5 tipula ertain, xerratan moztuak
- 3 koilarakada oliba olio
- Baratxuri ale bat, txikitua
- Urdaiazpikoa, dadotan moztua, eskutada bat
- Baso txiki bat esnegain likido
- Gazta arraspatua, eskutada bat
- Gatza
Errezeta
Kazola batean olioa jarri eta sutan jarri. Bertan frijituko ditugu, su ez oso bizian, baratxuria, tipula eta urdaiazpikoa. Gatz pixar bat eman. Egin dadila pixkana-pixkana barazkia ongi egosia egon arte, eta franko murriztu arte, ahal dela, kolore iluna hartu arte. Kolore iluna azkeneko momentuan sua bizituz lortuko dugu. Horrela karamelu itxura hartuko du. Guztira 2 ordu edo behar dira. Gero epeldu dadila pixka bat.
Orduan, aurretik labean berotutako moldean sartuko dugu urdaiazpikoa duen tipula orea. Zoko guztiak ongi bete, esnegaina zurrusta finean botaz gainetik. Gazta arraspatuz estali gero. Dagoela labean 200 graduan, 10 bat minutuz gutxi gorabehera, gainaldea pixka bat txigortzen den arte, tipula, esnegainarekin nahasita, goxo-goxo gelditzen den arte. Entsaladarekin batera zerbitzatu.
Tipulak non gorde
Tipulak non gorde – Beharrezkoak Leku lehor eta iluna Lurrezko ontzi bat … Tipulak non gorde Leku lehor ilunean gorde behar ditugu beti tipulak, patatetatik urrun, erraz asko hondatzen baitira haien ondoan. Gainera, hobe dugu …
Lekak urdaiazpikoarekin
Lekak urdaiazpikoarekin – Osagaiak Lekak, kilo bat 3 patata eder, bakoitza zortzi zati egina Oliba olioa, 6 zopa-koilarakada 2 urdaiazpiko xerra lodi, dadotan zatituak 4 baratxuri ale, xerratan Ura eta gatza Errezeta Lekak garbitu eta …
Hegaluze mendrezka errea tipula eta pipermin frijituekin
Osagaiak Hegaluze mendrezka eder bat, osorik eta azal eta hezurrik gabea 4 tipula, zerrendatan moztua Oliba olioa 24 pipermin fresko Perrexil pikatua Gatza 2 koilarakada eguzki-lore olio Koilarakada bat sagardo-ozpin Errezeta Kazola edo padera bat …
Tipula saltsa
Tipula saltsa – Osagaiak 3 tipula, zerrendatan moztua Haragi salda kontzentratua, pastilla baten muturra Mihilu erraboil erdi bat, zerrendatan moztua Xorta bat oliba olio Baso erdia ardo zuri Gatza Ura Errezeta Kazola eder batean zorrotada …
Tipula zopa
Tipula zopa – Osagaiak Kg erdia tipula, zerrendetan moztua baratxuri ale bat, xehatua Koilarakada bat gurin 2 koilarakada oliba olio Koilarakada apal bat irin Litro bat haragi-salda, mamitsua izan dadila (haragi-salda pastilla batez azkar dezakegu) …
