Sardinak gatzetan
- Errezeta
- Bidali iruzkina
Sardinak gatzetan –
Osagaiak
- 2 kg sardina
- Gatz larria
- Oliba olio birjina, estra.
Sardinak gatzetan
Errezeta
Burua kendu sardinei. Tripak ere atera. Ez hausteko ahaleginak eginez, behatz-mamiekin ireki eta erdiko hezurra aterako diegu. Sardina bitan irekita geldituko da.
Erretilu batean gatz geruza ederra paratuko dugu eta bertan etzango ditugu sardinak, ongi ordenaturik. Gero gatz gehiagorekin estali sardinak. Halaxe egingo dugu harik eta sardina guztiak ongi estalita dauden arte. Erretilua hozkailuan sartu eta 30 bat minutuz utzi.
Ordu erdia pasatuta, sobran den gatza kenduko diegu sardinei, ur azpian jarrita. Gero zapi batekin xukatu eta oliba olio birjina ugari jarritako erretilu batean utziko ditugu.
Oliotan geldituko dira, horrela, 4 bat orduz, jan baino lehenago. Entsaladari gehitzea dugu aukera bat, ogi txigortuarekin jatea beste bat. Nahi bezala.
Sardinak gatzetan
Sardina pipermorro eta oliba beltz ogitartekoa
Osagaiak Opil bat, bitan irekia Lata txiki bat sardinatxo oliotan, ongi xukatuak Piper gorriak edo berdeak, erreak, zurituak, zerrendatan moztuak eta hazirik gabe Eskukada eder bat oliba beltz, hezurrik gabe Zorrotada bat oliba olio birjina …
Sardinak frijituta
Sardinak frijituta – Osagaiak 24 sardina ertain Irina Gatza Oliba olioa, frijitzeko 2 baratxuri ale … Errezeta Ongi garbituko dizkigute sardinak arrandegian, burua eta tripak kendurik, eta isatsa bere horretan utzirik. Oliba olioa isuriko dugu …
Sardina enpanada
Osagaiak Orea egiteko: Kg bat irin Ura, litro erdia inguru 100 g gurin Hostorea maneatzeko: 700 g gurin Betegarria prestatzeko: 2 tipulin handi, zerrendatan moztuak Piper gorri bat, zerrendatan moztua Piper berde bat, zerrendatan moztua …
Sardinak eskabetxean
Sardinak eskabetxean – Osagaiak 1,5 kg sardina ertain, garbi eta bururik gabe Irina eta frijitzeko olioa 2 tipulin eder, zerrendatan moztuak 8 baratxuri xister, osorik Erramua, hosto fresko bat 10 koilarakada oliba olio Koilarakada bat …
Patata eta sardinzahar entsalada
Osagaiak Patata zurituak uretan egosiak, hiru kilo laurden Eskarola bat, garbitua eta sortatan 4 sardinzahar ketuak edo oliotan marinatuak, dadotan zatituak 2 arrautza egosi, zurituak eta xehatuak Dijongo ziapea edo garau ziapea, zopa-koilarakada bat Sagardo-ozpina, …
