Oilaskoa tomate eta piperrekin
- Errezeta
- Bidali iruzkina
Osagaiak
- 1,5 kg oilasko, erdi tamainako puskatan zatitua
- Baso handi bat ardo zuri
- 4 pipermorro berde edo gorri, zerrenda zabaletan zatituak
- 4 tipula, zerrendetan zatituak
- 4 baratxuri ale, pikatuak
- Porru bat, pikatua
- Litro erdia tomate saltsa
- Oliba olioa
- Gatza
*Lau pertsonentzat
Errezeta
Oliba olio pittin bat kazola zabal batean isuri eta su bizian jarriko dugu berotzen. Gatza eman eta hainbat txandatan frijituko dugu oilaskoa, 10 bat minutuan, kanpotik gorri gera dadin baina erre gabe. Platera batera aterako dugu haragia ondoren.
Kazola berean erantsiko ditugu, hondoan koipe gehiegi bildu bada pixar bat kendu ondoren, tipulak, piperrak, baratxuriak eta porrua. Sua eztitu eta ontzen utziko dugu guztia, 25 bat minutuan. Horren ostean, berriro ere oilasko zatiak sartu, eta erantsi egingo dugu ardo zuria. Egosten utziko dugu hainbat minutuan eta isuri egingo dugu tomate saltsa, poliki-poliki berriro irakiten has dadin arte. Estali egingo dugu ondoren kazola. Su eztian irakiten utziko dugu guztia 20 bat minutuan, salda loditu eta oilaskoa xamur gera dadin. Azkenean, gatza aski duen egiaztatu eta utzi egingo dugu pausatzen, berriro ere berotu eta zerbitzatzeko. Era honetako jakiak jan aurretik pausatzen uztea hobe izaten da betiere.
Oilasko errea baratxuriarekin
Oilasko errea baratxuriarekin – Osagaiak 2 oilasko eder, erretzeko prestatuak, garbiak 2 baratxuri-buru Gatza eta piperbeltza, eho berria 2 baso ur Oilasko errea baratxuriarekin Errezeta Labeko erretilu handi batean jarriko ditugu barreiaturik baratxuri aleak, oilaskoak …
Oilasko hegalak labean Javiren eran
Osagaiak Kg bat oilasko hegal, muturrak moztuak 3 patata ertain, zurituak eta xerratan moztuak 2 tipulin ertain, pikatuak Gatza, piperbeltza eta muskat intxaurra Xorta bat ardo zuri Oliba olioa *Lau pertsonentzat Errezeta Labe-erretilu batean oliba …
Oilasko enpanadatxoak
Oilasko enpanadatxoak – Osagaiak 20 disko ore, enpanadatxoak egiteko Tipulin bat, pikatua 3 baratxuri ale, pikatuak 3 koilarakada oliba olio 600 g oilasko haragi, txikitua 15 koilarakada tomate saltsa Perrexil xehatua Arrautza, joa Oilasko enpanadatxoak …
Oilasko errea limoiarekin
Osagaiak 2 oilasko eder, erretzeko prestatuak, garbiak Limoi bat, bitan zatitua Limoi erdi baten zukua 2 baratxuri-buru Gatza eta piperbeltza, eho berria 2 baso ur Errezeta Labeko erretilu handi batean jarriko ditugu barreiaturik baratxuri aleak, …
Arroza oilaskoarekin
Arroza oilaskoarekin – Osagaiak 4 koilarakada handi oliba olio birjina Oilasko garbi bat zati txikitan moztua Bi baratxuri ale, xehatuak Tipulin handi bat, pikatua Piper berde handi bat, pikatua Xorta bat baratxuri fresko, pikatuak 500 …
