Odolkia piperrekin
- Errezeta
- Bidali iruzkina
Odolkia piperrekin –
Osagaiak
- 2 tipula-odolki, freskoak
- Oliba olioa
- 2 baratxuri ale, xerratan moztuak
- 2 pote pikillo piper on
- Perrexil xehatua
- Gatza
Errezeta
Potetatik atera eta xukatu egingo ditugu piperrak. Padera batean olio pixarra isuri eta hartan jarriko ditugu baratxuri xerrak gorritzen; erretzen hasi baino lehen erantsiko ditugu piperrak, gatz pixka bat emanda. Su eztian utziko ditugu egiten, bira eta bira, isurtzen duten zukua urritu eta lurrintzen dela ikusi arte. Koipe garbi bat geratuko da, eta piperrak ilunago, mamia askoz konfitatuagoa. 30 minutu emango ditugu lan honetan. Perrexil pikatua hautseztatuko dugu haien gainetik. Odolkiak xerra loditan moztu eta, gaiak itsasten ez diren padera batean, erreko ditugu bi aldeetatik olio pixar batekin, azala kraskatsu gertatu arte. Piper beroekin batera zerbitzatuko ditugu odolki puskak.
Odolkia piperrekin
Hegaluzea piperrekin
Hegaluzea piperrekin – Osagaiak 4 hegaluze solomo lodi, hezur eta azalik gabe, 220 g bakoitzak Ximiko bat irin 12 piper gorri edo berde, zerrendetan moztuak 4 baratxuri ale Oliba olioa Gatza Hegaluzea piperrekin Errezeta Padera …
Piper berdeak arkume hankaz beteak
Osagaiak Saltsan egindako txerri hanka hezurgabetuen errezeta 1 12 piper berdi handi eta luze, ahalik eta leunenak (zimur gabeak) Oliba olioa frijitzeko 4 tipulin eder xehatuak Baratxuri ale bat Gatza *Lau pertsonentzat Errezeta Piperrak garbitu …
Piper berdeak frijitzeko era
Piper berdeak frijitzeko era – Beharrezkoak Olioa Piper berdeak Errezeta Deus ez dago higuingarriagorik piper berdeak olio hotzean frijitzen jartzea eta paderatik beraxko, zurbil eta koipetsu ateratzea baino. Horrelakorik gerta ez dadin, oso bero …
Entsalada errusiarra
Entsalada errusiarra – Osagaiak 4 azenario 3/4 kg patata 3 arrautza Ilar fin-finak, pote txiki bat Artoa, lata txiki bat Hegaluze ongi hautatua, oliotan edo ozpinetan kontserbatua, puska bat 1/4l maionesa, norberak egina, ez oso …
Barazki pistoa
Barazki pistoa – Osagaiak Tipulin bat, txiki-txiki egina 8 baratxuri ale, osorik, zuritu gabe Oliba olio birjina, 10 koilarakada 2 kuiatxo dadotan moztuak 2 pipermorro gorri, dadotan moztuak 2 piper berde, dadotan moztuak 2 alberjinia …
