Muskuiluak bexamelarekin oskolean frijituak
- Errezeta
- Bidali iruzkina
Muskuiluak bexamelarekin oskolean frijituak –
Osagaiak
- 1,5 kg muskuilu
- Tipulin handi bat, pikatua
- 2 piper handi, pikatuak
- 2 baratxuri ale, pikatuak
- 2 bi tomate ertain umo, pikatuak
- Xorta bat ardo zuri
- Bexamel saltsa
- Oliba olioa
- Irina, arrautza joa eta ogi birrindua
- Gatza eta azukrea
Muskuiluak bexamelarekin oskolean frijituak
Errezeta
Ongi garbitu ondoren, ardo zuriaren lurrunean irekiko ditugu muskuiluak, kazola batean su gainean jarri ondoan. Hondoko zukua gorde eta xukatu egingo ditugu muskuiluak, mamia oskoletik aterata. Pikatu egingo dugu ondoren mamia. Muskuilu oskol eder sakonenak gordeko ditugu geroko.
Kazola zabal batean olioa isuri eta su ertainean eztituko ditugu, 10 bat minutuan, tipulina, piperrak eta baratxuria. Tomatea irauliko dugu ondoren, gatza eta azukre pixar batekin, eta 40 minutuan utziko dugu guztia gozatzen, murriztu eta saltsa azkar bat itxuratu arte. Orduan gaineratuko ditugu muskuiluen mami pikatua. Biraka nahasiko dugu guztia.
Banan-banan beteko ditugu saltsa honetaz muskuilu oskol guztiak, eta bexamel beroaz estaliko ditugu ondoren, koilarakada oparo bana emanez. Hozten utziko ditugu muskuilu beteak, ogi birrinduan pasatu ahal izateko. Hozkailuan sartuko ditugu.
Epe baten ostean, irin, arrautza eta ogi birrinduan igurtzi eta oliba olio ugari bero-beroan frijituko ditugu muskuiluak.
Muskuiluak bexamelarekin oskolean frijituak
Pasta muskuiluekin
Pasta muskuiluekin Osagaiak Tipulin txiki bat, xehe-xehe egina Baratxuri ale bat, txikitua Oliba olio pixka bat Ardo zuri pixka bat Baso erdi bat ur Ximiko bat piperrauts gozo 2 koilarakada handi tomate saltsa Muskuilu txikiak, …
Muskuilu irin-arrautzeztatuak
Muskuilu irin-arrautzeztatuak – Osagaiak 2 Kg muskuilu Litro laurdena ardo zuri Kaienako pipermina, mutur bat Oliba olioa, frijitzeko Irina eta arrautza Baratxuri ale bat Muskuilu irin-arrautzeztatuak Errezeta Ur zurrusta hotzaren azpian garbituko ditugu muskuiluak, tentu …
Muskuilu zopa
Muskuilu zopa – Osagaiak 2 kg muskuilu Kg erdia arrain mutur, hegalak edo matrailak 2 tipulin, pikatuak Porru bat, pikatua Azenario bat, pikatua 2 baratxuri ale, pikatuak Oliba olioa Baso bete ardo zuri 3 l …
Muskuiluak saltsa berdean
Muskuiluak saltsa berdean – Osagaiak 2 Kg muskuilu 6 baratxuri ale, xaflatan Litro laurdena ur bero 5 koilarakada oliba olio birjina Perrexil pikatua Koilarakada apal bat irin Zorrotada bat ardo zuri Muskuiluak saltsa berdean Errezeta …
Muskuiluak lurrunean irekita
Muskuiluak lurrunean irekita – Osagaiak 2 Kg muskuilu Litro laurdena ardo zuri Kaienako pipermina, mutur bat Perrexil xehatua … Errezeta Ur zurrusta hotzaren azpian garbituko ditugu muskuiluak, tentu eta kontu handiz. Baztertu egingo ditugu hondaturik …
