Hegaluzea tipula saltsan
- Errezeta
- Bidali iruzkina
Hegaluzea tipula saltsan –
Osagaiak
- 4 hegaluze solomo lodi, hezur eta azalik gabe, 220 g bakoitzak
- Ximiko bat irin
- 3 tipula, zerrenda mehetan moztuak
- 4 baratxuri ale
- Oliba olioa
- 2 baso arrain salda edo ur
- Xorta bat ardo zuri
- Gatza
Hegaluzea tipula saltsan
Errezeta
Kazola batean oliba olioa isuri, tipulak gaineratu, gatza eman eta su eztian edukiko dugu guztia, 45 bat minutuan, barazkia gorritu eta xamur geratu arte. Epe horren ondoren erantsiko dugu ardoa; lurrintzen utzi ondoren erantsiko dugu salda edo ura, gatz pixak batez. Irakiten hasi orduko, sutatik atera eta irabiagailuan joko dugu saltsa. Iragazki fin batetik pasa eta kazola batean gordeko dugu geroko.
Irinetan igurtziko ditugu hegaluze puskak, soberakina erretiratuz. Sutan jarriko dugu ondoren padera bat, xorta bat olioarekin. Hegaluze puskak ipini eta, erretzen utzi gabe, pare bat minutuan (lodieraren arabera) utziko ditugu txigortzen. Xukadera batez irauliko ditugu aldiro-aldiro, azal gorri kurruxkariaren barruan haragi gorrixka bezain mamitsua gorde dadin. Ez dakigula arraina lehortu. Atera eta paper-orri baten gainean xukatuko dugu.
Arraina tipula saltsa beroa dagoen kazolan lerratu eta su eztian edukiko dugu une batzuetan berotzen. Pausatzen utzi eta mahaira.
Hegaluzea tipula saltsan
Tipula tarta
Osagaiak Tarta molde bat, labean berotutako masa hautsiaz edo hostore masaz estalia 5 tipula ertain, xerratan moztuak 4 koilarakada oliba olio Baratxuri ale bat, txikitua Baso txiki bat esnegain likido Gazta arraspatua, eskutada bat Gatza …
Bakailao freskoa irin-arrautzeztatua tipula eta piperrekin
Osagaiak 4 bakailao solomo beratu, 220 g bakoitzak Ximiko bat irin Arrautza joa 3 tipula, zerrenda mehetan moztua 12 piper berde, zerrendatan moztua 4 baratxuri ale Oliba olioa Gatza Errezeta Kazola zabal batean ipiniko ditugu …
Poteko hegaluze tradizional egosia
Osagaiak Lehen mailakoa izango da hegaluzea, eta oso freskoa Kristalezko flaskoak garbi eta lehor egongo dira, uztai-itxituraz eta goma berriz hornituak. Oliba olioa erabiliko dugu (0,4º), batzuek eki-lore olioa ere erabiltzen badute ere Errezeta Burua …
Hegaluze tartarea
Osagaiak kg hegaluze edo hegalabur, azal eta hezurrik gabe, labanaz dado txikitan moztua 2 abokat heldu, dadotan moztua Tipulin bat, pikatua eta ondoren uretan garbitua (iragazkian ongi xukatua) Perrexila, pikatua Pixar bat ziape 2 arrautza …
Atuna tipula saltsan
Osagaiak 4 atun solomo lodi, hezur eta azalik gabe, 220 g bakoitzak Ximiko bat irin 3 tipula, zerrenda mehetan moztuak 4 baratxuri ale Oliba olioa 2 baso arrain salda edo ur Xorta bat ardo zuri …
