Gazta enpanadatxoak nola egin
- Errezeta
- Bidali iruzkina
Gazta enpanadatxoak nola egin –
Osagaiak
- Enpanadatxoak egiteko 20 ore-disko
- Gazta beratz krematsua (15 koilarakada), baina loditasun pixka bat duena (betegarria sobera likidoa ez izateko), Filadelfia edo San Millan esaterako)
- 2 koilarakada azukre
- Irasagar-gozoki puska bat, xehe-xehe egina
- Menta fresko xehatua, pixar bat
- Arrautza, joa
Gazta enpanadatxoak nola egin
Errezeta
Katilu batean gazta, azukrea, irasagarra eta menta fresko xehatua bildu. Loditasun pixka bat duen orea sortu behar dugu; ez dadila inondik ere mehea izan. Hozkailuan edukiko dugu denbora puska batean, hoztu eta pausatu dadin.
Enpanadatxoak egiteko ore-diskoak mahai gainean luzatu eta barrenean koilarakada eder bat betegarri paratuko dugu. Ertza arrautza irabiatuarekin margotu eta gero enpanadatxoak itxi, ilargi erdiak balira bezala, sardexka baten hortzekin zapalduz eta itxiz. Ongi estalita, pausatzen utziko ditugu enpanadatxoak hozkailuan. Bi gauza egin ditzakegu. Koipe gutxixeago izan dezaten, arrautzaz margotu denak eta labean sartu 15 minutuz, 200 graduan, ongi gorritu arte, edo bestela ohiko metodoa baliatu: oliba olio asko jarri zartaginean, eta bero-bero dagoenean frijitu. Ez ahaztu ongi xukatzea.
Zerbitzatzerakoan, azukrea eta kanela-hautsa par-par bota gainetik. Ezin politago geldituko dira. Krema ingelesarekin ere jar litezke, jakina.
Gazta enpanadatxoak nola egin
Tomate entsalada ahuntz gaztarekin
Tomate entsalada ahuntz gaztarekin – Osagaiak 4 tomate heldu Ahuntz gazta fresko bat, dado handi samarretan 2 koilarakada sagardo-ozpin Oliba olio birjina, 8 zopa-koilarakada Gatza Tomate entsalada ahuntz gazta Errezeta Kendu zurtoina tomateei eta, kontu …
Ibañez jaunaren zizka
Ibañez jaunaren zizka – Beharrezkoak Ogi xigortua Maionesa Gazta parmesano birrindua Tipula txiki-txiki eginda … Errezeta Madrilgo fisikari batek erakutsi zigun errezeta hau. Ibañez zeukan deitura. Erraza bezain erabilgarria da etxera jendea datorkigunean, geuk eginiko …
Gazta saltsa
Gazta saltsa – Osagaiak Tipulin bat, pikatua Baratxuri ale bat, pikatua Litro laurdena esnegain Cabrales edo Roquefort gazta, mutur bat Camembert gazta erdia Gurina, mutur bat Gatza eta piperbeltz eho berria Errezeta Kazola batean ipiniko …
Antxoa, pikillo piper eta gazta urdin tosta
Antxoa, pikillo piper eta gazta urdin tosta – Osagaiak 4 ogixerra/tostada 4 antxoa xerra (gatzetan ondutakoak) 4 pikillo piper 100 g gazta urdin krema edo saltsa (potekoa edo etxean egina) … Errezeta Tostadak edo ogi …
Gazta fonduea
Gazta fonduea – Osagaiak 600 g Beaufort gazta 400 g Comté gazta 200 g Emmental gazta Baratxuri ale bat Botila bat kalitatezko ardo zuri idor 3 koilarakada kirsch, edo antzeko beste edari biziren bat Ogi …
