Baratxuri zopa
- Errezeta
- Bidali iruzkina
Baratxuri zopa
Osagaiak
- 8 baratxuri ale, xerratan moztuak
- Pipermin lehorra, ximiko bat
- 4 koilarakada oliba olio
- Zopako ogia, ukabil baten neurriko puska
- Tomate saltsa, 4 koilarakada handi
- Koilarakada bat piper-mami, kontserbakoa
- Piperrauts gozoa, ximiko bat
- Ur beroa, hiru litro laurden
- Gatza
Errezeta
Olioa kazola zabal batean isuri eta su eztian jarriko dugu. Pipermin lehorra eta baratxuri aleak erantsiko ditugu ondoren. Dantzan hasi orduko, erre gabe betiere, zopako ogia gaineratuko dugu, labanaz xerra mehe finetan zatitu eta gero. Oliotan ongi busti ondoan, gorritu egingo dira emeki-emeki, guk zurezko zaliari eragin eta eragin egongo garen bitartean. 10 bat minutu egingo ditugu horrela. Piperrautsa erantsiko dugu orduan. Gorritzen utziko dugu guztia une batzuetan eta tomate saltsa, piper-mamia eta ur beroa gaineratuko ditugu ondoren. Gatz pixka bat eman eta su eztian egosiko dugu guztia egosten beste 15-20 minutuan. Haien buruan, pausatzen utziko dugu kazola ogia ongi hanpatu eta zopa behar bezala lodi dadin. Oso bero zerbitzatuko dugu.
Hala nahi izanez gero, arrautza batzuk utzi ahal izango ditugu mamitzen zoparen barruan. Horretarako, sutatik atera baino minutu gutxi batzuk lehenago sartuko ditugu arrautzak eta kazola tapatuta edukiko ditugu. Jo ondoan ere erantsi ahal izango ditugu arrautzak, zopa ia egin denean eta kazolari etengabe eraginik, arrautza ongi mami dadin gainerako gaien artean.
Baratxuri zopa
Baratxuri purea
Baratxuri purea – Osagaiak 500 g baratxuri ale 3 koilarakada oliba olio birjina Litro laurden pasa esnegain Mutur bat gurin Gatza Baratxuri purea Errezeta Zuritu, kazola batean ipini eta ur hotzez estaliko ditugu baratxuriak. Su …
Maionesa baratxuri gordinarekin
Maionesa baratxuri gordinarekin – Osagaiak Oliba olioa, litro erdia inguru 4 arrautza gorringo 3 koilarakada sagardo-ozpin Gatza, ximiko bat 2 baratxuri ale, zurituak Maionesa baratxuri gordinarekin Errezeta Munduko saltsa hotz zabalduena da maionesa. Jaki askoren …
Ganbak baratxuritan
Ganbak baratxuritan – Osagaiak 40 ganba 8 baratxuri ale 4 kaienatxo 10 goilarakada oliba olio gatza … Errezeta Ganbak zuritu eta hotzetan gorde. Baratxuri atalak zuritu eta xerratu. Zartagin txiki batean, baratxuria eta kaienak gorritzen …
Baratxuriak hornidura gisa
Osagaiak 6 baratxuri-buru, ale ederrekin 4 koilarakada oliba olio Gatza Errezeta Zuriturik edo osorik erreko ditugu baratxuriak, beren azalarekin. Azala kendu gabe erreko ditugu, osoagoak atera dakizkigun, ez baitira horrela horren erraz erreko. Burutik ale …
Baratxuri konfitatuak hornidura gisa
Osagaiak 6 baratxuri-buru, ale ederrekin Oliba olioa, estali arte Gatza Errezeta Zuriturik edo osorik konfita ditzakegu baratxuriak, beren azalarekin. Azala kendu gabe konfitatuko ditugu, baratxuriak hobeago konfita daitezen eta aleak osoagoak atera dakizkigun. Burutik ale …
