Bakailao kroketak
- Errezeta
- Bidali iruzkina
Bakailao kroketak
Osagaiak
- 450 g bakailao papurtu, beratua eta pikatua
- Tipulin bat, pikatua
- 2,2 litro esne
- 75 g gurin eta 75 ml oliba olio birjina
- 3 arrautza, 2 egosi eta pikatuak eta 1 joa
- 300 g irin
- Tanta batzuk eguzki-lore olio
- Ogi birrindua
Errezeta
Irakin egingo dugu esnea. Bestalde, kazola zabal batean gozatuko dugu tipulina gurin eta olioarekin, su eztian, 30 bat minutuan, ongi egin arte. 280g Irina erantsi eta ongi nahasiko dugu ondoren. Berehala erantsiko dugu irakindako esnea, pixkana-pixkana, zurezko zaliari eragin eta eragin. Su gainean landuko dugu saltsa, 15-20 minutuan, koilara eragiteari utzi gabe. Arrautza egosia eta bakailaoa gaineratuko ditugu ondoren (gaiak itsasten ez diren padera batean, olio tanta batzuetan salteatuko dugu aurrez bakailaoa). Gatz puntua neurtu eta zuzendu.
Eguzki-lore olioaz igurtzitako erretilu batean isuri eta hozten utziko dugu bexamela, film paperaz ongi estali eta gero. Eskuak irinez ongi igurtzi eta gero landuko dugu orea, nahi bezalako neurriko bolatxoak itxuratuz. Irin, arrautza eta ogi birrinduan pasatuko ditugu ondoren. Pausatzen utziko ditugu frijitu aurretik bolatxoak, leher ez daitezen.
Bakailao kroketak
Bakailaoa tomate eta piperrekin
Osagaiak 4 bakailao solomo beratu, 200 g bakoitzak 4 pipermorro gorri, erreak, zurituak eta zerrendatan moztuak 4 baratxuri ale Tipulin bat, pikatua 6 tomate umo, pikatuak Xorta bat ardo zuri 12 koilarakada oliba olio Ximiko …
Bakailaoa beratzeko era
Osagaiak Ura Bakailaoa Errezeta Bakailaoa prestatzerakoan gakoetako bat, zalantzarik gabe, bakailaoaren beraren kalitateaz gain, ongi beratzea da, ongi gezatzea.Ahal dela, hozkailuan egingo dugu. Bakailaoa ur hotzarekin sartu eltze batean. Ura, gutxienez, bakailaoa halako hiru izan …
Bakailao freskoa irin-arrautzeztatua
Osagaiak 4 solomo bakailao fresko, 220 g bakoitzak Ximiko bat irin Arrautza joa Oliba olioa Gatza Errezeta Irinetan igurtziko ditugu bakailao puskak, soberakina erretiratuz. Arrautza jo eta hartan bustiko ditugu ondoren puskak. Padera batean olio …
Pikillo piperrak bakailaoz beteak
Pikillo piperrak bakailaoz beteak – Osagaiak 4 bakailao solomo pil-pilean eginak, beren saltsa eta guzti 2 piper berde, zerrendatan moztuak 4 tipulin eder, zerrendatan moztuak Baratxuri ale bat, xehatua Perrexil xehatua Pikillo piperrak, 2 pote …
Bakailao frijitua tipula eta piperrekin
Bakailao frijitua tipula eta piperrekin – Osagaiak 4 bakailao solomo beratu, 220 g bakoitzak Ximiko bat irin 3 tipula, zerrenda mehetan moztua 12 piper berde, zerrendatan moztua 4 baratxuri ale Oliba olioa Gatza Errezeta Kazola …
