Hegaluzea perretxiko saltsan
- Errezeta
- Bidali iruzkina
Osagaiak
- 4 hegaluze solomo lodi, hezur eta azalik gabe, 220 g bakoitzak
- Ximiko bat irin
- Tipulin bat, zerrenda mehetan moztua
- 2 eskukada perretxiko garbi, xerratan moztuak (barrengorriak, onddoak, perretxikoak)
- 2 baratxuri ale
- Oliba olioa
- 2 baso arrain salda edo ur
- Xorta bat ardo zuri
- Gatza
Errezeta
Kazola batean oliba olioa isuri, tipulina eta baratxuria gaineratu, gatza eman eta su eztian edukiko dugu guztia, 15 bat minutuan, barazkia gorritu eta xamur geratu arte. Epe horren ondoren erantsiko ditugu perretxikoak; ongi nahasi eta, padera su gainean dagoela beti ere, isuriko dugu ardoa. Lurrintzen eta gero erantsiko dugu salda edo ura, gatz pixak batez. Irakiten hasi orduko, sutatik atera eta irabiagailuan joko dugu saltsa. Iragazki fin batetik pasa eta kazola batean gordeko dugu geroko.
Irinetan igurtziko ditugu hegaluze puskak, soberakina erretiratuz. Sutan jarriko dugu ondoren padera bat, xorta bat olioarekin. Hegaluze puskak ipini eta, erretzen utzi gabe, pare bat minutuan (lodieraren arabera) utziko ditugu txigortzen. Xukadera batez irauliko ditugu aldiro-aldiro, azal gorri kurruxkariaren barruan haragi gorrixka bezain mamitsua gorde dadin. Ez dakigula arraina lehortu. Atera eta paper-orri baten gainean xukatuko dugu.
Arraina perretxiko saltsa beroa dagoen kazolan lerratu eta su eztian edukiko dugu une batzuetan berotzen. Pausatzen utzi eta mahaira.
Hegaluzea (edo hegalaburra) tipulatan
Hegaluzea (edo hegalaburra) tipulatan Tamaina hartzea da kontua, ez lehorregi eta ez gordinegi. Ozpinarekin ere arretaz ibili behar da. Baina hemen esandakoak bete eta egin beharreko guztiak behar bezala asmatzen badituzu, etxaferoak botako dituzte zure …
Hegaluzea piperrekin
Hegaluzea piperrekin – Osagaiak 4 hegaluze solomo lodi, hezur eta azalik gabe, 220 g bakoitzak Ximiko bat irin 12 piper gorri edo berde, zerrendetan moztuak 4 baratxuri ale Oliba olioa Gatza Hegaluzea piperrekin Errezeta Padera …
Hegaluze mendrezka errea baratxuri-olioarekin
Hegaluze mendrezka errea baratxuri-olioarekin – Osagaiak Hegaluze mendrezka eder bat, osorik eta azal eta hezurrik gabea 6 koilarakada oliba olio 4 baratxuri ale, xerratan 3 koilarakada sagardo-ozpin Perrexil pikatua Gatza Hegaluze mendrezka Errezeta Alde bietatik …
Tomateak hegaluzez beteta allioli saltsarekin
Osagaiak 8 tomate heldu, ertainak eta trinko-trinkoak, betetzeko Hegaluzea oliotan, ongi hautatua, 8 zati eder Tipulin bat, xehatua Baratxuri ale bat, xehatua Perrexil xehatua Oliba olio birjina, 2 koilarakada Allioli saltsa, 16 koilarakada Gatza Errezeta …
Hegaluze mendrezka errea tipula eta pipermin frijituekin
Osagaiak Hegaluze mendrezka eder bat, osorik eta azal eta hezurrik gabea 4 tipula, zerrendatan moztua Oliba olioa 24 pipermin fresko Perrexil pikatua Gatza 2 koilarakada eguzki-lore olio Koilarakada bat sagardo-ozpin Errezeta Kazola edo padera bat …
