Erreboiloa labean baratxuri-olioarekin
- Errezeta
- Bidali iruzkina
Erreboiloa labean baratxuri-olioarekin –
Osagaiak
- Erreboilo eder bat edo bi ertain, 4 lagunentzat, ezkata, alboko hezur eta errairik gabe
- Baso erdi bat ardo zuri
- 6 koilarakada oliba olio
- 4 baratxuri ale, xerratan moztuak
- 3 koilarakada sagardo-ozpin
- Perrexil pikatua
- Gatza
Errezeta
- Gatza eman eta labeko erretilu batean paratuko dugu erreboiloa. Ardo zuria eta oliba olio pixka bat isuriko dugu ondoren. Aldez aurretik 180ºtan berotutako labean sartuko dugu erreboiloa, eta hantxe edukiko dugu 25 bat minutuan. Arrainaren zukuaz garaztatuko dugu aldiro-aldiro, alde mamitsuak erdiko hezurretik aise askatzeko moduan daudela ikusi arte. Heze egongo da beti erretiluaren hondoa, eta ura erantsiko dugu ardoa lurruntzen bada. Egizu kontu kilo bakoitzeko 15 bat minutu egin behar dituela arrainak labean.
- Bukaera aldean, erreboiloa ia egin denean, zartagin batean olioa su bizian berotu eta baratxuri xerrak gorrituko ditugu hartan. Txigortu direnean, sagardo-ozpina eta arrain errearen zukuaren parte bat gaineratu eta irakiten edukiko dugu guztia segundo batzuetan. Erne zipriztinekin!
- Perrexila erantsi eta baratxuri-olio hori garaztatuko dugu erretiluan edukiko dugun erreboiloaren gainean. Berehala zerbitzatu.
Erreboiloa labean baratxuri-olioarekin
Erreboiloa plantxan baratxuri-olioarekin
Osagaiak 4 erreboilo solomo, azalarekin, 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza *Lau pertsonentzat Errezeta Gatza bi aldeetatik eman eta padera batean jarriko ditugu …
Erreboilo xerrak meuniere eran
Osagaiak 4 erreboilo domina eder, azalarekin, ezkatarik eta alboko hezurrik gabe Koilarakada bat oliba olio Gurina, zati handi bat 2 limoiren zukua Perrexila, txikitua Irina eta gatza *Lau pertsonentzat Errezeta Gatza emango diogu arrainari, bi …
